سۋ تاسقىنىنان ينتەرنەتسىز وتىرعان اۋىلدارعا 50 گە جۋىق Starlink تەرمينالى جىبەرىلدى
استانا. KAZINFORM - بۇگىنگى تاڭدا بازالىق ستانسالاردى ەلەكترمەن جابدىقتاۋ جانە اجىراتۋ پروبلەمالارىنا اكەپ سوقتىرعان ءبىرقاتار وڭىرلەردەگى سۋ تاسقىنى جاعدايى س ق و، اقتوبە، قوستاناي، اقمولا وبلىستارىنداعى ۇيالى بايلانىس وپەراتورلارىنىڭ جۇمىسىنا كەرى اسەر ەتتى. ءسويتىپ 12 اۋىلدا بازالىق ستانسالار تاسىمالداناتىن گەنەراتورلار ارقىلى جۇمىس ىستەپ تۇر.
بارلىق وبلىستا موبيلدى وپەراتورلاردىڭ رەزەرۆىندە 300 دەن استام گەنەراتور بار، بۇل ىسكە 234 ينجەنەر جۇمىلدىرىلعان.
توتەنشە جاعدايدىڭ العاشقى كۇندەرىنەن باستاپ بارلىق ۇيالى بايلانىس وپەراتورلارى سۋ باسقان ايماقتاردا بولدى.
ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى وبلىستىق اكىمدىك سۇرانىستارىنا سايكەس سۋ تاسقىنى ايماعىنداعى وڭىرلەرگە 48 Starlink تەرمينالىن جىبەردى.
مينيسترلىك قوستاناي وبلىسىنا 30 تەرمينال، اقتوبە وبلىسىنا 3 تەرمينال، ب ق و-عا 3 تەرمينال، ۇلىتاۋ وبلىسىنا 1 كەشەن، اتىراۋ وبلىسىنا 6 تەرمينال، ش ق و-عا 2، س ق و-عا 3 تەرمينال جىبەردى.
Starlink، ەڭ الدىمەن، ۇزدىكسىز وقۋ پروتسەسىن قامتاماسىز ەتۋ ءۇشىن وبلىس مەكتەپتەرىن جابدىقتايدى.
بۇل رەتتە وسى اپتادا رەسپۋبليكا بويىنشا ءبىر ۋاقىتتا قوسىلۋ ءۇشىن قوسىمشا تەرمينال كەشەندەرىن جىبەرۋ جوسپارلانعان.
قاجەت بولعان جاعدايدا جانە اكىمدىكتەردەن ءتيىستى سۇراۋلار تۇسكەن جاعدايدا مينيسترلىك قوسىمشا تەرمينالدار جىبەرۋگە دايىن.
بۇگىنگى تاڭدا 447 اۋىلدىق مەكتەپ Starlink تەحنولوگياسىن قولدانا وتىرىپ ينتەرنەتپەن قامتاماسىز ەتىلگەن.
تەرمينالداردى ورناتقاننان كەيىن مەكتەپتەردەگى ينتەرنەتتىڭ ورتاشا جىلدامدىعى 200 مبيت/س جەتەدى.
بۇدان باسقا، ۇيالى بايلانىس وپەراتورلارى سۋ تاسقىنى ايماعىنداعى ابونەنتتەرگە تاريفتىك جوسپارلارعا قوسىمشا رەسۋرستار (40-50 مين، 40-50 س م س جانە 7 كۇنگە 8-10 گ ب) قوستى.
مينيسترلىك جەدەل، ۇزدىكسىز بايلانىستى ۇيىمداستىرۋ ءۇشىن اقتوبە وبلىسىنىڭ اكىمدىگىنە Thuraya (2 دانا) سپۋتنيكتىك تەلەفوندارىن پايدالانۋعا بەرگەنىن اتاپ وتكەن ءجون.
سونىمەن قاتار، Astana Hub سۋ تاسقىنىن باسقارۋ بويىنشا 30 دان استام يننوۆاتسيالىق شەشىمدەردى جيناپ، ولاردى قاراۋ ءۇشىن ت ج م-گە تاپسىردى.
امەريكالىق ARC Drones ستارتابىنىڭ نەگىزىن قالاۋشىلار الىبەك ەلتاي مەن اسەل تۇرسىن قازاقستانداعى سۋ تاسقىنىنا قارسى كومەك كورسەتۋ ءۇشىن اۆتونومدى دروندارىن ۇسىندى.
تەحنوپاركپەن سەرىكتەستىك اياسىندا ARC Drones مەديتسينالىق ماتەريالداردى، گۋمانيتارلىق كومەكتى، ازىق-تۇلىكتى جانە باسقا دا شۇعىل تاۋارلاردى شالعاي جانە جەتۋ قيىن ايماقتارعا ءتيىمدى جەتكىزۋ ءۇشىن ۇشقىشسىز ءۇش درون بەرگەن.
سونىمەن قاتار، اتىراۋ وبلىسىنىڭ جىلىوي اۋدانىندا قۇلسارى قالاسىندا ا ح ا ت جانە ز ت م و عيماراتتارى سۋ استىندا قالعان.
جوعارىدا اتالعان بولىمدەردە توتەنشە جاعداي جاريالانۋىنا بايلانىستى جۇمىس توقتاتىلدى.
قالعان وڭىرلەردە جاعداي تۇراقتى، فيليالدار شتاتتىق رەجيمدە جۇمىس ىستەيدى. ت ج سالدارىن جەدەل جويۋ ماقساتىندا ازاماتتارعا ارنالعان ۇكىمەت اتىراۋ وبلىسى بويىنشا فيليالى عيماراتتارعا كەلگەن زالالدى باعالاۋ جۇمىسىن جۇرگىزىپ جاتىر.
