سۋ تاسقىنى: پوليتسيا قاراۋسىز مۇلىكتى كۇزەتۋ ءۇشىن 45 ەلدى مەكەندى قورشاۋعا الدى
استانا. KAZINFORM - سۋ تاسقىنى جاعدايىندا ازاماتتار قاۋىپسىزدىگىن قامتاماسىز ەتۋ ءۇشىن ءتارتىپ ساقشىلارى كۇشەيتىلگەن رەجيمدە قىزمەت ەتۋدە.
بۇل تۋرالى ق ر ىشكى ىستەر مينيسترلىگى اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ايتىپ بەردى.
قۇتقارۋ جانە سۋ تاسقىنىنا قارسى ءىس-شارالارعا 4 مىڭنان استام پوليتسيا قىزمەتكەرى مەن ۇلتتىق ۇلاننىڭ اسكەري قىزمەتشىلەرى، سونداي-اق ءى ءى م وقۋ ورىندارىنىڭ كۋرسانتتارى قاتىسۋدا.
«پاترۋلدىك كولىكتەر، اۆتوبۋستار، جۇك كولىكتەرى جانە ۆەدومستۆولىق تىكۇشاقتار مەن ۇشاقتار سەكىلدى 700 قىزمەتتىك تەحنيكا جۇمىلدىرىلدى. ىشكى ىستەر ورگاندارىنىڭ قىزمەتكەرلەرى توتەنشە جاعداي مينيسترلىگى مەن جەرگىلىكتى ورگاندارعا ارىقتاردى تازارتۋعا كومەكتەسۋدە. جالپى پوليتسيا قىزمەتكەرلەرى مەن ۇلتتىق ۇلاننىڭ اسكەري قىزمەتشىلەرى 10 مىڭ مەترگە جۋىق ارىقتى تازارتتى، 159 مىڭنان استام قۇم سالىنعان قاپ توسەدى»، - دەدى ق. سۇلتانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سۋ تاسقىنى كەزىندە ق ر ءى ءى م 16300 ادامدى قۇتقارعان. تىكۇشاقپەن 325 ادام، ونىڭ ىشىندە 111 بالا ەۆاكۋاتسيالانعان.
سونداي-اق، قاراۋسىز قالعان مۇلىكتى كۇزەتۋ ءۇشىن پوليتسيا 45 زارداپ شەككەن ەلدى مەكەندى قورشاۋعا الدى. ولار - اقتوبە وبلىسىندا اقتوبە قالاسى مەن ويىل اۋدانى؛ اتىراۋ وبلىسىندا - جىلىوي اۋدانى (قۇلسارى قالاسى)؛ ب ق و - ورال قالاسى، ءبورلى، بايتەرەك، قاراتوبە، سىرىم، تەرەكتى اۋداندارى؛ پاۆلودار وبلىسىندا - شارباقتى اۋدانى؛ سولتۇستىك قازاقستان وبلىسىندا - تايىنشا اۋدانى؛ قوستاناي وبلىسىندا - قوستاناي جانە رۋدنىي قالالارى، قوستاناي، قاراسۋ، فەدەوروۆكا جانە ب. مايلين اۋداندارى؛ ۇلىتاۋ وبلىسىندا - ۇلىتاۋ اۋدانى؛
«قازىر ىشكى ىستەر ورگاندارى 9600 دەن استام قاراۋسىز قالعان تۇرعىن ءۇي مەن باسقا دا نىسانداردى كۇزەتۋدە. ۇرلىق قارلىققا جول بەرىلمەدى»، - دەدى سپيكەر.
