سۋ تاسقىنى كەزىندە قازا تاپقان اتىراۋلىق قۇتقارۋشى «ايبىن» وردەنىمەن ماراپاتتالدى

اتىراۋ. KAZINFORM - بۇگىن اتىراۋ وبلىسى توتەنشە جاعدايلار دەپارتامەنتىندە سۋ تاسقىنى كەزىندە قىزمەتتىك مىندەتتەرىن اتقارۋ بارىسىندا قازا تاپقان راقىم بەيبارىس جالعاسباي ۇلىن ەسكە الۋعا ارنالعان جيىن ءوتتى.

су тасқыны
Фото: ТЖМ

جيىنعا ق ر ت ج م اپپارات باسشىسى ازاماتتىق قورعاۋ پولكوۆنيگى ەرعالي باحايەۆ جانە دەپارتامەنت قىزمەتكەرلەرى مەن مارقۇمنىڭ تۋىستارى قاتىستى. اتالعان ءىس-شارا 1 مينۋت ۇنسىزدىكپەن قازا تاپقان قۇتقارۋشىنى ەسكە الۋمەن باستالدى.

جيىن بارىسىندا ەرعالي باحايەۆ ق ر ت ج ءمينيسترى شىڭعىس ءارىنوۆتىڭ اتىنان قايعىرىپ كوڭىل ايتىپ، 1-م ءو س ب بولىمشە كومانديرى مارقۇم بەيبارىس راقىمنىڭ تۋىستارىنا «قىزمەتتىك جانە ازاماتتىق بورىشىن اتقارۋداعى جانقيارلىعى، سونداي-اق توتەنشە جاعدايدا كورسەتكەن ەرلىگى ءۇشىن» راحىمجان قوشقاربايەۆ اتىنداعى Ⅲدارەجەلى «ايبىن» وردەنىن تابىستادى. قايتىس بولعان قۇتقارۋشى پرەزيدەنت جارلىعىمەن ماراپاتتالدى.

су тасқыны
Фото: Атырау облысы ТЖД қоғаммен байланыс тобы

«دەپارتامەنت باستىعى پولكوۆنيك نۇرلان جاڭابايەۆ جانە ارداگەرلەر كەڭەسىنىڭ ءتوراعاسى سەيتجان دۇيسەكەنوۆ قۇتقارۋشىنىڭ ەرلىگىن اتاپ ءوتىپ، قازا تاپقان ارىپتەسىمىز باتىلدىقتىڭ سيمۆولى رەتىندە ماڭگى جادىمىزدا ساقتالاتىنىن ايتتى»، - دەلىنگەن ت ج م حابارلاماسىندا.

سوڭعى جاڭالىقتار