سۋ شارۋاشىلىعى سالاسىندا مىقتى ماماندار جەتىسپەيدى - پرەزيدەنت
استانا. KAZINFORM - مەملەكەت باسشىسى قاسىم-جومارت توقايەۆ اقوردادا سۋ شارۋاشىلىعى قىزمەتكەرلەرىن مەملەكەتتىك ناگرادالارمەن ماراپاتتاۋ راسىمىندە سالادا مىقتى ماماندار جەتىسپەيتىنىن ايتتى.
- قازىر وسى سالادا 30 مىڭعا جۋىق ادام جۇمىس ىستەيدى. ولار قالا مەن اۋىلدى، وندىرىستەر مەن ەگىس القاپتارىن سۋمەن قامتاماسىز ەتۋدە. دەگەنمەن، بىزگە مىقتى ماماندار ءالى دە جەتىسپەيدى. سول سەبەپتى بىلتىر قازاق ۇلتتىق سۋ شارۋاشىلىعى جانە يرريگاتسيا مينيسترلىگى قۇرىلدى. وسى ماماندىققا بولىنەتىن گرانت سانى 2 ەسەگە ارتتى. 500 دەن استام ستۋدەنت بيۋدجەت قارجىسىنا ءبىلىم الىپ جاتىر. ولار وقۋىن اياقتاعان سوڭ «ديپلوممەن اۋىلعا» باعدارلاماسى اياسىندا جۇمىس ىستەي الادى، - دەدى مەملەكەت باسشىسى.
سونداي-اق پرەزيدەنت 120 قىزمەتكەر قىتايدا تاجىريبە الماسىپ، قوسىمشا ءبىلىم الىپ جاتقانىن ايتتى.
- سۋ شارۋاشىلىعى ماماندارىنىڭ الەۋمەتتىك جاعدايىن جاقسارتۋعا باسا ءمان بەرىلۋدە. بىلتىر ولاردىڭ جالاقىسى 25 پايىزعا ءوستى. ءبىر سوزبەن ايتساق، جۇيەلى ىستەلىپ جاتىر، - دەدى قاسىم-جومارت توقايەۆ.
