پرەزيدەنتتىك ارناۋلى ادەبي سىيلىققا ءوتىنىم قابىلداۋ 30- ماۋسىمعا دەيىن جالعاسادى
استانا. KAZINFORM - بيىل جاس قالامگەرلەرگە مەملەكەتتىك قولداۋ كورسەتۋ، دارىندى اقىن- جازۋشىلاردىڭ جاڭا بۋىنىن قالىپتاستىرۋ ماقساتىندا ءۇشىنشى رەت پرەزيدەنتتىك ارناۋلى ادەبي سىيلىق تاعايىندالادى.
مادەنيەت جانە اقپارات مينيسترلىگى مالىمەتىنشە، ادەبي سىيلىققا 18-35 جاسقا دەيىنگى قالامگەرلەر بۇرىن حالىقارالىق جانە ۇلتتىق بايقاۋلارعا قاتىسپاعان تۋىندىلارىمەن ۇمىتكەر بولا الادى. ءوتىنىم «پروزا»، «پوەزيا»، «دراماتۋرگيا» جانە «بالالار ادەبيەتى» نوميناتسيالارى بويىنشا قابىلدانادى. اۆتور تەك ءبىر نوميناتسياعا عانا قاتىسا الادى.
سىيلىق يەگەرلەرىنە «قازاقستاندىق جاس جازۋشىلار مەن اقىندار ءۇشىن پرەزيدەنتتىك ارناۋلى ادەبي سىيلىقتىڭ لاۋرەاتى» اتاعى بەرىلەدى. سونداي-اق ديپلوم، توسبەلگى جانە 4,1 ميلليون تەڭگە كولەمىندە قارجىلاي سىياقىمەن ماراپاتتالادى.
ءوتىنىمدى 2025 -جىلدىڭ 30 - ماۋسىمىنا دەيىن قاعاز جانە ەلەكتروندى تۇردە مىنا مەكەنجاي بويىنشا جولداۋ قاجەت: استانا قالاسى، ماڭگىلىك ەل داڭعىلى، 8, 14 كىرەبەرىس، ق ر مام ارحيۆ، قۇجاتتاما جانە كىتاپ ءىسى كوميتەتى، 273 كابينەت.
بۇعان دەيىن پرەزيدەنتتىك جاستار كادر رەزەرۆىنە ىرىكتەۋ باستالعانىن جازعان بولاتىنبىز.
