پرەزيدەنتتەن سىياقى العان وقۋشى الەمنىڭ ەڭ ۇزدىك ۋنيۆەرسيتەتىنە ءتۇستى

«NURORDA» مەكتەپ-ليتسەيى باسپا ءسوز قىزمەتىنىڭ حابارلاۋىنشا، بۇل - قازاقستاندىق جاس زياتكەرلەردىڭ حالىقارالىق ارەناداعى باسەكەگە قابىلەتتىلىگىن دالەلدەيتىن ايتۋلى وقيعا.

MIT ۋنيۆەرسيتەتىنە ءتۇسۋ - الەمدىك دەڭگەيدەگى ەڭ قيىن سىناقتاردىڭ ءبىرى بولىپ سانالادى. ماسەلەن، بيىلعى وقۋ جىلىندا 29 مىڭنان استام ۇمىتكەردىڭ ىشىنەن تەك 4-5 پايىزى عانا شاقىرتۋ العان. ال شەتەلدىك ستۋدەنتتەر ءۇشىن ىرىكتەۋ بۇدان دا قاتاڭ بولىپ، قابىلدانۋ دەڭگەيى نەبارى 2 پايىزدى قۇرادى.

نۇرگۇلدىڭ ەرەكشە اكادەميالىق جەتىستىكتەرى مەن ينتەللەكتۋالدىق الەۋەتىن تەك MIT قانا ەمەس، سونىمەن قاتار الەمنىڭ توپ-100 تىزىمىنە كىرەتىن تاعى 5 جەتەكشى ۋنيۆەرسيتەتى مويىنداپ، شاقىرتۋ جىبەرگەن. ولاردىڭ قاتارىندا مىنا وقۋ ورىندارى بار:

● University of British Columbia (UBC، كانادا) - 38؛

● Hong Kong University of Science and Technology (HKUST، گونكونگ) - 44؛

● ecole Polytechnique (فرانسيا) - 46؛

● Korea Advanced Institute of Science and Technology (KAIST، وڭتۇستىك كورەيا) - 53؛

● University of Warwick (ۇلى بريتانيا) - 74.

ايتا كەتەيىك، نۇرگۇل ەگەنبەرگەنوۆا بۇعان دەيىن دە ءبىلىم مەن عىلىم سالاسىنداعى ەرەن ەڭبەگى ءۇشىن مەملەكەت دەڭگەيىندە جوعارى باعالانعان بولاتىن. ول قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ جەكە قابىلداۋىندا بولىپ، مەملەكەت باسشىسىنىڭ قولىنان ارنايى سىياقى سەرتيفيكاتىن يەلەنگەن.