22:56, 24 - ماۋسىم 2025 | GMT +5
پرەزيدەنت قاتار مەملەكەتىنىڭ امىرىمەن تەلەفون ارقىلى سويلەستى
استانا. KAZINFORM - مەملەكەت باسشىسى قاسىم-جومارت توقايەۆ قازىرگىدەي قيىن-قىستاۋ جاعدايدا ەلىمىز قاتار حالقىن قولدايتىنىن جەتكىزدى. بۇل تۋرالى اقوردانىڭ باسپا ءسوز قىزمەتى حابارلادى.
پرەزيدەنت قاتار ءامىرى شەيح ءتاميم بەن حاماد ءال تانيدىڭ ساياسي كورەگەندىلىگىنىڭ ارقاسىندا شيەلەنىستىڭ ودان ءارى ۋشىقپاعانىن اتاپ ءوتتى. سونىمەن قاتار پاراساتتى باسشىسى بار قاتار ەلى ايماقتاعى ەڭ كۇردەلى ماسەلەلەردى شەشۋدە ايرىقشا رول اتقاراتىنىنا نازار اۋداردى.
مەملەكەتتەر باسشىلارى جوعارى دەڭگەيدەگى بايلانىستاردى جالعاستىرۋعا ۋاعدالاسىپ، قاتار ءامىرىنىڭ الداعى ۋاقىتتا ەلىمىزگە جوسپارلانعان ساپارىن تالقىلادى.
ايتا كەتەلىك قازاقستان رەسپۋبليكاسىنىڭ قاتار مەملەكەتىندەگى ەلشىلىگى كاتارداعى احۋال بەيبىت تۇرعىندار ءۇشىن قاۋىپسىز ەكەنىن مالىمدەگەن ەدى.
