پرەزيدەنت ارحيۆى قازاقستاننىڭ ب ۇ ۇ باس اسسامبلەياسى سەسسيالارىنا قاتىسقان كەزدەگى بىرەگەي سۋرەتتەردى ۇسىندى
استانا. KAZINFORM - پرەزيدەنت ارحيۆى Kazinform اگەنتتىگىنە 1990 -جىلداردىڭ سوڭىندا ەلىمىز ب ۇ ۇ باس اسسامبلەيالارىنا قاتىسقان كەزدەگى ەكسكليۋزيۆ كادرلاردى ۇسىندى.

ارحيۆ ۇسىنعان سۋرەتتەردە سول كەزدەگى ەلىمىزدىڭ سىرتقى ىستەر ءمينيسترلى قاسىم-جومارت توقايەۆ بەينەلەنگەن.

ب ۇ ۇ باس اسسامبلەياسىنىڭ 52-سەسسياسى، نيۋ-يورك، 1997 -جىلدىڭ 30-قىركۇيەگى

ب ۇ ۇ باس اسسامبلەياسىنىڭ 54-سەسسياسى، نيۋ- يورك، 1999 -جىلدىڭ 24-قىركۇيەگى
كەيىنىرەك، 2011 -جىلدىڭ ناۋرىزىندا قاسىم-جومارت توقايەۆ ديپلوماتيالىق ميسسياسىن حالىقارالىق دەڭگەيدە جالعاستىرىپ، ب ۇ ۇ باس حاتشىسىنىڭ ورىنباسارى قىزمەتىنە تاعايىندالدى ءارى ۇيىمنىڭ جەنەۆاداعى بولىمشەسىنىڭ باس ديرەكتورى بولدى.
ەستەرىڭىزگە سالا كەتسەك، 9-قىركۇيەكتە بۇۇ باس اسسامبلەياسىنىڭ مەرەيتويلىق 80-سەسسياسى جۇمىسىن باستادى. حالىقارالىق ۇيىم 80 جىلدىڭ ىشىندە سوعىستان كەيىنگى بىتىمگەرشىلىكتەن جاھاندىق گۋمانيتارلىق ميسسياعا دەيىنگى جولدان ءوتتى.
ايتا كەتەيىك، 21-قىركۇيەكتە مەملەكەت باسشىسى قاسىم-جومارت توقايەۆتىڭ نيۋ-يورككە جۇمىس ساپارى باستالدى. ساپار اياسىندا پرەزيدەنت ب ۇ ۇ باس اسسامبلەياسىنىڭ مەرەيتويلىق 80- سەسسياسى اياسىنداعى جالپى دەباتتا ءسوز سويلەيدى.
اۆتور
مارلان جيەمباي