پرەزيدەنت اقىن ءشومىشباي ساريەۆتىڭ شىعارماشىلىعىنا ارنالعان كونسەرتتى تاماشالادى

استانا. KAZINFORM - مەملەكەت باسشىسى فرانتس كافكا اتىنداعى حالىقارالىق التىن مەدال سىيلىعىنىڭ لاۋرەاتى، قازاق رۋحانياتىنىڭ اسا كورنەكتى وكىلى، بەلگىلى اقىن ءشومىشباي ساريەۆتىڭ شىعارماشىلىعىنا ارنالعان كەشكە باردى. بۇل تۋرالى اقوردادان حابارلادى.

كونسەرتتە قازاقستاندىق ەسترادا جۇلدىزدارى ونەر كورسەتىپ، ەسترادالىق-سيمفونيالىق وركەستردىڭ سۇيەمەلدەۋىمەن اقىننىڭ «اينالدىم سەنەن، اتامەكەن-اي»، «سالەم ساعان، تۋعان ەل»، «اياۋلىم»، «دومبىرا تۋرالى باللادا»، «وكىنبە سەن»، «ءومىر-وزەن»، «ساعىندىم ساعىم جىلدار»، «دوس كەرەك»، «سارىارقا» جانە تاعى باسقا ولەڭدەرىنە جازىلعان، حالىق سۇيىسپەنشىلىگىنە بولەنگەن اندەر ورىندالدى.

وسىعان دەيىن مەملەكەت باسشىسىنىڭ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي ساياساتىن رەفورمالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.