پەريزات قايرات پەن عايني الاشبايەۆانىڭ ءسوزى جابىق رەجيمدە تىڭدالماق
استانا. KAZINFORM - استانا سوتىندا «Birgemiz» قايىرىمدىلىق قورىنىڭ بۇرىنعى جەتەكشىسى، ۆولونتەر پەريزات قايرات پەن ونىڭ اناسى عايني الاشبايەۆانىڭ جانە ولاردىڭ ادۆوكاتىنىڭ ءسوزى جابىق رەجيمدە تىڭدالاتىن بولدى.
ءىس بويىنشا سۋديا سابىرجان كارىموۆتىڭ حابارلاۋىنشا، وتىرىس بۇگىن ساعات 15:00 دە جابىق رەجيمدە جالعاسادى. وندا ايىپتالۋشىلار مەن ولاردىڭ قورعاۋشىسىنىڭ سوزدەرى تىڭدالماق.
ايتا كەتەيىك، بۇگىن تاڭەرتەڭ سوتتا جابىرلەنۋشىلەر مەن ولاردىڭ وكىلدەرىنەن جاۋاپ الىندى جانە پىكىرلەرى تىڭدالدى.
جابىرلەنۋشىلەر عايني الاشبايەۆانىڭ جاسى مەن اۋرۋىنا بايلانىستى جازاسىن جەڭىلدەتۋگە قارسى شىقتى.
بۇعان دەيىن پروكۋرورلار پەريزات قايراتقا - 10 جىل باس بوستاندىعىنان ايىرۋ، عاني الاشبايەۆاعا 8 جىل باس بوستاندىعىنان ايىرۋ جازاسىن سۇراعان ەدى.
ەسكە سالا كەتسەك، پەريزات قايرات دايىن ديپلوم ساتىپ العىسى كەلگەن ارەكەتى تۋرالى جازعان ەدىك.
سونداي-اق كۋاگەر پەريزات قايرات قور قارجىسىن قالاي قولما-قول اقشاعا اۋدارعانىن ايتىپ بەردى.
