13:23, 14 - شىلدە 2025 | GMT +5
پەريزات قايرات: ماعان تاعىلعان نەگىزسىز ايىپتاردى مويىندامايمىن
استانا. KAZINFORM - ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايرات پەن ونىڭ اناسى عايني الاشبايەۆا ۇستىنەن قوزعالعان قىلمىستىق ءىس بويىنشا ايىپتاۋلاردى مويىنداماي وتىر.
- قۇرمەتتى سۋديا، مەن ايىپتاۋ اكتىسىمەن كەلىسپەيمىن. ماعان تاعىلعان نەگىزسىز ايىپتاردى مويىندامايمىن. كەيىن بارلىق دالەل ارقىلى ءوزىمدى قورعايمىن، - دەپ قىسقا قايىردى پەريزات قايرات.
سونىمەن قاتار پەريزات قايراتتىڭ اناسى عايني الاشبايەۆا دا تاعىلعان ايىپتارمەن كەلىسپەي وتىر.
سوت وتىرىسى جالعاسىپ جاتىر.
بۇعان دەيىن مەملەكەتتىك ايىپتاۋشى پەريزات قايرات پەن ونىڭ اناسىنا تاعىلعان ايىپتاردى تىزبەكتەپ شىقتى.
