ريددەردە اۋىل تۇرعىنى اكىمدى سوتقا بەردى

استانا. قازاقپارات - ريددەردە اۋىل تۇرعىنى اكىمدى سوتقا بەردى، - دەپ حابارلايدى جوعارعى سوت.

ريددەر قالاسىنىڭ اكىمىنە ريددەر قالاسىنىڭ پوپەرەچنوە اۋىلىنان مال جايۋعا 50 گەكتار جانە ءشوپ شابۋعا 15 گەكتار جەر تەلىمدەرىن بەرۋ تۋرالى ارىزبەن جۇگىنگەن. اكىم جەر كوميسسياسىنىڭ شەشىمىنە سىلتەمە جاساي وتىرىپ، ارىزدان باس تارتقان. تالاپ قويۋشى باس تارتۋعا جانە شەشىمدەرگە سوتقا شاعىم تۇسىرگەن.

ءبىرىنشى ساتىداعى سوت كوميسسياعا مىنانى اتاپ كورسەتتى:

اكىمشىلىك اكتىنىڭ نەگىزسىزدىگى (ا ر پ ك-تىڭ 79-بابى)؛
تالاپ قويۋشىنىڭ ەكى ارىزىن قاراۋ جانە ەكى حاتتامالىق شەشىم قابىلداۋ كەزىندە جەر كوميسسياسى مۇشەلەرىنىڭ ءبىر داۋىسقا يە بولۋى، بۇل دا زاڭعا قايشى كەلەدى.
ياعني، بۇل جاعدايدا جەر كوميسسياسى تالاپ قويۋشىنىڭ ارىزىن قانداي نەگىزدە قابىلداماعانىن انىقتاۋ مۇمكىن ەمەس. داۋىس بەرۋ ءتارتىبىنىڭ بۇزىلۋىنا، جەر كوميسسياسى مۇشەلەرىنىڭ قورىتىندىلارى مەن حاتتاما مازمۇنىنىڭ سايكەس كەلمەۋىنە، باس تارتۋعا نەگىزدەردىڭ بولماۋىنا جانە حاتتامادا تۇپكىلىكتى شەشىمنىڭ بولماۋىنا نازار اۋدارىلعان.

جەرگىلىكتى سوتتار تۇرعىننىڭ تالاپتارىن قاناعاتتاندىردى: جەر كوميسسياسىنىڭ حاتتامالىق شەشىمىنىڭ كۇشىن جويدى، قالا اكىمىنە تالاپ قويۋشىنىڭ ارىزدارىن قايتا قاراپ، قولايلى اكىمشىلىك اكت قابىلداۋدى مىندەتتەدى.

جوعارعى سوت ءا ءى ج س ا ءىستى زەرتتەي كەلە، داۋلانعان سوت اكتىلەرى جالپى زاڭدى جانە نەگىزدى تۇردە شىعارىلعان دەپ ەسەپتەدى. قالا اكىمىنىڭ جانە اۋداندىق سالالىق ءبولىمنىڭ وكىلدەرى جەر كوميسسياسىنىڭ حاتتامالىق شەشىمىن زاڭسىز دەپ تانىدى.

كاسساتسيا قالا اكىمىنە تالاپ قويۋشىعا داۋلى ۋچاسكەلەردى بەرۋ تۋرالى قولايلى اكىمشىلىك اكتىنى قابىلداۋ مىندەتىن جۇكتەۋ بولىگىندە قۇقىقتىق جاعدايدى تۇزەتۋ قاجەتتىلىگىن كورسەتتى.

تالاپ قويۋشى داۋ بىلدىرگەن حاتتاما زاڭسىز دەپ تانىلىپ، كۇشى جويىلعاندىقتان، تالاپ قويۋشىنىڭ ەكى ارىزىن قاراۋدىڭ اكىمشىلىك ءراسىمى جەر كوميسسياسىنىڭ وتىرىسىندا قارالعان كەزىنەن باستاپ قايتا جاڭعىرتىلۋى ءتيىس.

جەر كوميسسياسىنىڭ وڭ قورىتىندىسى بولماعان جاعدايدا جەرگىلىكتى اتقارۋشى ورگانعا مىندەتتەر جۇكتەۋ قاتە بولىپ تابىلادى. سەبەبى، ارىزداردى شەشۋدىڭ زاڭنامالىق راسىمدەرى بار.

جوعارعى سوت اكىمنىڭ قولايلى اكىمشىلىك اكتىنى قابىلداۋ مىندەتىنە قاتىستى سوت شەشىمىن قوسپاعاندا، جەرگىلىكتى سوتتاردىڭ شەشىمدەرىن كۇشىندە قالدىردى.