روزا باعلانوۆا - سوعىس جىلدارىندا مايدان دالاسىندا ونەر كورسەتكەن جالعىز قازاق قىزى
استانا. KAZINFORM - روزا باعلانوۆا - جەڭىسكە جەتەلەگەن ءۇمىت ءۇنى. ول - سوعىس جىلدارىندا مايدان دالاسىندا ونەر كورسەتكەن جالعىز قازاق قىزى.
مادەنيەت جانە اقپارات مينيسترلىگى مالىمەتىنشە، ۇلى وتان سوعىسى كەزىندە روزا باعلانوۆا ساربازداردىڭ رۋحىن كوتەرىپ قانا قويماي، جارالى جاۋىنگەرلەرگە كومەكتەسىپ، ەرلىك كورسەتتى. باعلانوۆا عانا ەكى مارتە «جاۋىنگەرلىك ەرلىگى ءۇشىن» مەدالىمەن ماراپاتتالدى. انشىگە مارشال روكوسسوۆسكي مەدال تابىستاعان. ءانشىنىڭ مايدانداعى رەپەرتۋارىندا 20 تىلدە ورىندالعان 500 گە جۋىق ءان بولدى، ول مىڭنان استام اسكەري كونتسەرتكە قاتىستى.
روزا باعلانوۆانىڭ باعىن اشقان ءان - ليديا رۋسلانوۆانىڭ رەپەرتۋارىنداعى «اح، سامارا- گورودوك».
بۇل ءاندى روزا باعلانوۆا جاس كەزىندە ورىنداپ، ءوزى ۇلگى تۇتقان رۋسلانوۆانىڭ جوعارى باعاسىن العان. 1945 -جىلعى 9-مامىردا ول بەرليندەگى جەڭىس كونسەرتىندە ونەر كورسەتتى.
روزا باعلانوۆا - «حالىق قاھارمانى» اتاعىن العان جالعىز ءارتىس.
