ەۋرووداق ەلدەرى ازاماتتارىن ليۆاننان كەتۋگە ۇندەدى
استانا. KAZINFORM - بۇگىنگى جەكسەنبىدە ەۋرووداقتىڭ كوپتەگەن ەلى ازاماتتارىن ليۆاننان كەتۋگە ۇندەدى.
سونداي-اق، ەۋروپالىق مەملەكەتتەر ازاماتتارىنا ءبىر اي بويى يزرايل مەن ليۆاننىڭ اۋە كەڭىستىگى ارقىلى وتەتىن ساپارلاردان باس تارتا تۇرۋ كەرەكتىگىن ەسكەرتتى.
ەۋروپالىق وداقتىڭ اۋە قاۋىپسىزدىگى اگەنتتىگى (EASA) مەن ەۋروپالىق كوميسسيا اتالعان ەكى ەلدىڭ اۋە كەڭىستىگىن پايدالانباۋ تۋرالى نۇسقاۋ جاريالادى. بۇل نۇسقاۋ 31-قازانعا دەيىن كۇشىندە بولاتىنى ايتىلعان.
EASA بۇل نۇسقاۋدى ايماقتا اۋەدەن جاسالاتىن سوققىلاردىڭ ارتقانىمەن، قاۋىپسىزدىك ماسەلەسىنىڭ ۋشىعىپ تۇسىندىرۋىمەن بايلانىستىرعان.
ليۆاننىڭ كولىك مينيسترلىگى دە بەيرۋتتەگى حالىقارالىق اۋەجايعا اۋماعىنا يراننىڭ ۇشاقتارىن كىرگىزبەۋ تۋرالى ۇيعارىم بەرگەن. ويتكەنى يزرايل اۋە ديسپەتچەرلەرىنە بەيرۋتكە سىرتتان قانداي دا ءبىر ۇشاق كەلىپ قونسا، كۇش قولداناتىندارىن ەسكەرتكەن بولاتىن.
