رومان سكليار ينۆەستيتسيا تارتۋ جونىندەگى كەڭەس وتىرىسىن وتكىزدى
استانا. KAZINFORM -بۇگىن ق ر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن ينۆەستيتسيا تارتۋ جونىندەگى كەڭەستىڭ كەزەكتى وتىرىسى ءوتتى.
جيىندا «Kazakh Invest» ۇ ك» ا ق- عا ينۆەستوردىڭ ءىس- قيمىل بارىسى ەگجەي- تەگجەيلى جازىلعان جاڭا ادىستەمەلىك انىقتامالىق تانىستىرىلدى. ءاربىر ورتالىق مەملەكەتتىك جانە جەرگىلىكتى اتقارۋشى ورگان ينۆەستورلارمەن جۇمىس ىستەۋ كەزىندە وسى نۇسقاۋلىقتى باسشىلىققا الاتىن بولادى.
بۇعان قوسا «Kazakh Invest» ۇ ك» ا ق باسقارما ءتوراعاسى ەرجان ەلەكەيەۆ قازاق- قاتار جۇمىس توبىنىڭ جوبالارىن ىسكە اسىرۋ بارىسى تۋرالى باياندادى.
قازاقستان مەن قاتار اراسىنداعى ەكىجاقتى تاۋار اينالىمىندا وڭ ديناميكا بايقالادى، 2023 -جىلعى ءوسىم %50 دى قۇرادى. بۇگىنگى تاڭدا قازاقستان مەن قاتار اراسىنداعى ىنتىماقتاستىق شەڭبەرىندە جالپى قۇنى $18 ميللياردتان اساتىن 15 جوبانى قامتيتىن ينۆەستيتسيالىق پۋل قالىپتاستىرىلدى.
سونىمەن قاتار مەملەكەت باسشىسىنىڭ تاپسىرماسىن ورىنداۋ شەڭبەرىندە ءارقايسىسى ىلەسپە كاسىپورىنداردىڭ تۇتاس كلاستەرىن قۇرۋعا باعىتتالعان 17 اۋقىمدى باسىم جوبا تىزبەسى ازىرلەندى. اتالعان تىزبەنى قاراستىرۋ بارىسىندا تۋريزم جانە ازىق-تۇلىك ونەركاسىبى سالاسىنداعى جوبالار تۋرالى اقپارات تىڭدالدى.
سونداي- اق ينۆەستيتسيالىق جوبالاردىڭ ءبىرقاتار وزەكتى ماسەلەلەرى قارالدى، ولار بويىنشا حاتتامالىق شەشىمدەر ءتيىستى مەملەكەتتىك ورگاندارعا ورىنداۋعا جىبەرىلدى.
