ەۋروپالىق عالىمدار ادامنىڭ تەرىسىن بەزەۋدەن قورعايتىن باكتەريا ويلاپ تاپتى
ەۋروپالىق زەرتتەۋشىلەر ادام تەرىسىن بەزەۋ جانە شاش فولليكۋلاسىنىڭ قابىنۋىمەن بايلانىستى باسقا دا تەرى بورتپەلەرىنىڭ پايدا بولۋىنان قورعايتىن ميكروبتاردىڭ جاڭا شتامىن ويلاپ تاپتى. Kazinform بۇل تۋرالى ت ا س س-قا سىلتەمە جاساپ حابارلايدى.
«ءبىز بورتپە مەن بەزەۋلەردى ەمدەۋگە جەرگىلىكتى تەراپيانى جاساۋ ءۇشىن تابيعاتتىڭ ءوزى ويلاپ تاپقانىن قولداندىق. ءبىز تەرىمىز قاجەت ەتەتىن مولەكۋلالاردى تۋدىراتىن تەرى باكتەرياسىن تۇرلەندىردىك. وسىنداي ادىسپەن بەزەۋدى عانا ەمەس، باسقا دا اۋرۋلاردى ەمدەۋگە بولادى»، - دەدى بارسەلوناداعى پۋمپەۋ فابرا اتىنداعى يسپان ۋنيۆەرسيتەتىنىڭ عىلىمي قىزمەتكەرى ناستاسيا كنەدلەزدەر.
ەۋروپالىق مولەكۋليارلىق بيولوگتار بۇل ميكروبتاردى بەزەۋ مەن بورتپەلەردىڭ پايدا بولۋىنا، ورشۋىنە جول بەرمەۋ ءۇشىن جاساۋعا بولادى دەپ بولجايدى. ول ءۇشىن Cutibacterium acnes گەنومىن وسى ميكروبتار ماي بەزدەرىنىڭ بەلسەندىلىگىن تومەندەتەتىن NGAL اقۋىزىن ءوندىرىپ، قورشاعان ورتاعا شىعارا باستايتىنداي ەتىپ وزگەرتۋ كەرەك. ناتيجەسىندە شاش فولليكۋلالارىنىڭ ىشىندەگى باسقا ميكروبتار ايتارلىقتاي ازايادى، ال ول ءوز كەزەگىندە قابىنۋدىڭ دامۋىنا جول بەرمەيدى.
