ەۋروپا چەمپيوناتى: فۋتزالدان قازاقستان قۇراماسىنىڭ قارسىلاسى انىقتالدى

استانا. KAZINFORM - فۋتزالدان قازاقستان قۇراماسىنىڭ 2026-جىلعى فۋتزالدان ەۋروپا چەمپيوناتىنا ىرىكتەۋ كەزەڭىندەگى وتپەلى ماتچىنداعى قارسىلاسى انىقتالدى.

جارىستىڭ اتالعان ساتىسىنداعى ويىنداردىڭ جەرەبەسى تارتىلدى. وعان بارلىعى نەگىزگى كەزەڭدە ەكىنشى ورىن العان 8 قۇراما قاتىسادى.

پلەي-وفف ەكى ماتچتان تۇرادى. ولار ۇيدە جانە سىرت الاڭدا بولادى. ويىندار 15-24-قىركۇيەك ارالىعىندا وتەدى.

قازاقستان فۋتزال قۇراماسى جارىستىڭ اتالعان ساتىسىندا يلايامەن شەبەرلىك بايقاسادى.

قازاقستان فۋتزال قۇراماسى نەگىزگى كەزەڭدە ءوز توبىندا ەكىنشى ورىن الدى. وندا البانيا (2:0,4:2)، ارمەنيا (4:4,2:4)، دانيا (2:3,7:3) قۇرمالارىمەن وينادى.

ايتا كەتسەك، بۇل تۋرنير لاتۆيا مەن ليتۆا، سلوۆەنيا ەلدەرىندە وتكىزىلەدى.

بۇعان دەيىن تۋرنيردى بىرلەسىپ قابىلدايتىنى بەلگىلى بولعان لاتۆيا مەن ليتۆا ءوز مارتەبەسىن ساقتاپ قالدى. ال سلوۆەنيا ءۇشىنشى قابىلداۋشى ەل رەتىندە بەكىتىلدى.

قاتىسۋشى ەلدەر مەن ينفراقۇرىلىمدىق مۇمكىندىكتى جان-جاقتى ساراپتاعاننان كەيىن اتقارۋشى كوميتەت سلوۆەنيانى تاڭدادى. ليۋبليانا قالاسى 2018-جىلعى تۋرنيردى جوعارى دەڭگەيدە وتكىزگەن ەدى.