ەرتىس جايىلمالارىنىڭ 64 پايىزىن سۋ باسىپ ۇلگەردى
پاۆلودار. KAZINFORM - وسى ۋاقىتقا دەيىن شىعىس قازاقستانداعى كاسكادتى سۋ قويمالارىنان ەرتىس وزەنىنە 4,6 شارشى كيلومەتر سۋ جىبەرىلگەن. بۇل - جوسپارداعى كولەمنىڭ 74 پايىزى.
ماماندار ەرتىس وزەنىنىڭ سۋ جايىلاتىن القاپتارىن اۋەدەن بارلاپ شىقتى. اققۋلى، ماي، پاۆلودار اۋداندارىنىڭ جانە اقسۋ قالاسىنىڭ اۋىلدىق ايماقتارىندا سۋدىڭ جايىلۋى ويداعىداي ءجۇرىپ جاتىر.
- 10-ساۋىردەن باستاپ بەكىتىلگەن كەستەگە سايكەس جوعارعى ەرتىس كاسكادىنان تابيعاتتى قورعاۋ ماقساتىندا سۋ جىبەرىلە باستادى. نەگىزگى كەزەڭى 13-30-ءساۋىر ارالىعىنا جوسپارلانعان، سۋ 12 تاۋلىك بويى سەكۋندىنا 3500 تەكشە مەتردەن جىبەرىلەدى. الدىن الا ەسەپتەۋلەر بويىنشا جايىلمانىڭ %75-80 القابىن سۋ باسادى دەپ كۇتىلىپ وتىر. جالپى جوسپارلانعان 6,2 تەكشە كيلومەتردى قازىردىڭ وزىندە 4,6 تەكشە كيلومەترى نەمەسە شامامەن %74 سۋ جىبەرىلدى. قازىر وبلىستىڭ جايىلما القاپتارىنىڭ شامامەن %64 ىن سۋ باستى، بۇل وتكەن جىلعى دەڭگەيدەن 2 ەسەگە ارتىق، - دەپ حابارلادى پاۆلودار وبلىسىنىڭ اكىمى اسايىن بايحانوۆ.
تابيعاتتى قورعاۋ ماقساتىندا جىبەرىلىپ جاتقان سۋ اعىندارى بۇگىنگى تاڭدا ەرتىس وزەنىنىڭ تومەنگى اعىس بولىگىندە ەرەكشە بايقالادى.
ەسكە سالا كەتەيىك، سەمەيدەگى كوپىر قۇرىلىسىنا بايلانىستى ەرتىسكە اعىزىلىپ جاتقان سۋدىڭ قارقىنى باسەڭدەدى. ەرتىس وزەنىندە 23-ساۋىردەن كەمەلەر قاتىناي باستادى.
پاۆلوداردا شىبىن شىركەيدى ۋلاۋ جۇمىستارى باستالدى. كەرەۋگە شىبىن-شىركەيدى اۋەدەن ۋلايتىن 8 ۇشاق ۇشىپ كەلدى.
اۆتور
مۇرات اياعان
