ەرتىس بويىندا تىگىلگەن الىپ كيمەشەك حالىقارالىق رەكوردتار كىتابىنا ەندى
پاۆلودار. KAZINFORM - ەرتىس بويىنىڭ انالارى قازاق ايەلدەرىنىڭ كيەلى باس كيىمى - كيمەشەككە ارنالعان 4 مەترلىك الىپ ينستاللياتسيا جاسادى.
پاۆلوداردىڭ ورتالىق جاعالاۋىندا وتاندىق فەشن- يندۋسترياداعى مەگا رەكورد تىركەلدى. ءداستۇرلى ەتنومادەنيەتتەگى قازاق ايەلدەرىنىڭ كيىمى - «الىپ كيمەشەك» تانىستىرىلدى.
- قازاق حالقىنىڭ ءداستۇرلى مادەنيەتىندەگى بۇل باس كيىمدى تەك تۇرمىستاعى ايەلدەر كيگەن. بۇل ونىڭ وتباسىنداعى جانە قوعامداعى ەرەكشە مارتەبەسىنىڭ كورسەتكىشى بولدى. جوبا اۆتورى - بەلگىلى ديزاينەر- شەبەر گۋليايم اكۋمبايەۆا، ول جەرگىلىكتى فولكلوردىڭ داستۇرلەرىنە نەگىز بولدى. شارانى قالالىق اكىمدىكتىڭ قولداۋىمەن «قازاق انالارى - داستۇرگە جول» ر ق ب ۇيىمداستىرىپ وتىر، - دەپ حابارلادى پاۆلودار قالالىق اكىمدىگىنەن.
الىپ كيمەشەكتى Global BOOK of RECORDS/GbR وكىلدەرى رەسمي تۇردە باس كيىمدى تىركەپ، Global Book of RECORDS/GbR جاڭا حالىقارالىق رەكوردتار كىتابىنا ەنگىزدى.
ءىس-شاراعا اق كيمەشەك كيگەن 200 گە جۋىق انا قاتىسىپ، ۇلتتىق باس كيىمدى دارىپتەدى.
مەگا باس كيىمنىڭ بيىكتىگى 3 مەتر 80 س م، العى جاعى 2 مەتر 35 س م، كۇمىس جانە مەتالل تيىندارمەن اشەكەيلەنگەن، ءىنجۋ مەن باسقا دا اسىل تاستاردى قوسا العاندا 2025 دانا مونشاق قولدانىلعان.
