ەرتەگى گۇلىندەي: قازاقستاندا سيرەك كەزدەسەتىن بۇيرا لالاگۇل بار

ەكولوگيا جانە تابيعي رەسۋرستار مينيسترلىگى باسپا ءسوز قىزمەتىنىڭ مالىمەتىنشە، ءبىر قاراعاندا بۇيرا لالاگۇل ەرتەگى گۇلىندەي كورىنەدى.

- كۇلتەلەرى كەيىن قاراي قايىرىلىپ، ەرەكشە ءپىشىن تۇزەتىن بۇيرا لالاگۇل - قازاقستاننىڭ قىزىل كىتابىنا ەنگەن سيرەك وسىمدىكتەردىڭ ءبىرى. بۇل گۇل تابيعاتتا كوزگە جيى تۇسە بەرمەيدى. ول تاۋلى ايماقتاردىڭ ورماندى جانە شالعىندى بولىكتەرىندە ءوسىپ، جاز مەزگىلىندە ەرەكشە رەڭىمەن كوز تارتادى، - دەيدى ماماندار.

بۇيرا لالاگۇلدىڭ اسەمدىگى — تەك سىرتقى كورىنىسىندە ەمەس. تابيعي پوپۋلياتسياسىنىڭ ساقتالۋى ونىڭ مەكەن ەتۋ ورتاسىن قورعاۋمەن تىكەلەي بايلانىستى. سوندىقتان سيرەك گۇلدى كورگەندە ەڭ دۇرىس ارەكەت - ۇزبەي، تاماشالاپ قانا ءوتۋ.

مينيسترلىك اتاپ وتكەندەي، قىزىل كىتاپتىڭ ءار پاراعى بىزگە ءبىر قاراپايىم قاعيدانى ەسكە سالادى: تابيعاتتاعى ەڭ ادەمى دۇنيەلەر ءوز ورنىندا قالعاندا عانا قۇندى.

بۇدان بۇرىن قازاقستاندا وسەتىن، سيرەك كەزدەسەتىن قىزعالداقتار تۋرالى جازعانبىز.