رەسەيدەن 8 ۆاگون بيداي اكەلە جاتقاندار ۇستالىپ، استىق كەرى قايتارىلدى
استانا. KAZINFORM - رەسەيدەن قازاقستانعا 8 ۆاگون بيداي اكەلە جاتقاندار ۇستالدى. ىشكى نارىقتى قورعاۋ ءۇشىن ەلىمىزگە سىرتتان استىق كىرگىزۋگە شەكتەۋ قويىلعان.
بيىلعى 11-12-قىركۇيەكتە رەسەي فەدەراتسياسىمەن شەكارادا ورنالاسقان باتىس قازاقستان وبلىسىنىڭ تەمىر جول فيتوسانيتاريالىق باقىلاۋ بەكەتىنەن 8 ۆاگون بيداي تابىلىپ، رەسەي فەدەراتسياسىنا قايتارىلدى.
526 توننا استىقتى ساراتوۆ جانە تۋلا وبلىستارىنان شىمكەنت قالاسىنا اكەلە جاتقان.
بۇل جۇمىستى وسىمدىكتەر كارانتينى جونىندەگى مەملەكەتتىك ينسپەكتورلار "جايىق" شەكارالىق باقىلاۋ بولىمشەسىنىڭ اسكەري قىزمەتشىلەرىمەن بىرلەسىپ جۇرگىزەدى.
ەستەرىڭىزگە سالا كەتەيىك، ىشكى نارىقتى قورعاۋ جانە استىقتى كەرى ەكسپورتتاۋ فاكتىلەرىن بولدىرماس ءۇشىن 2024 -جىلعى 26-شىلدەدە سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا ترانزيتتى قوسپاعاندا، ءۇشىنشى ەلدەردەن جانە ەاەو ەلدەرىنەن قازاقستان اۋماعىنا كولىكتىڭ بارلىق تۇرلەرىمەن بيداي اكەلۋگە تىيىم سالىنعان بولاتىن.
