رەسەيدە ەڭ ۇلكەن گاۋھار تاستاردىڭ ءبىرى تابىلدى

استانا. KAZINFORM - رەسەيدىڭ ارحانگەلسك وبلىسىندا ۆلاديمير گريب اتىنداعى كەن ورنىندا ەڭ ۇلكەن الماز تاسى تابىلدى، دەپ حابارلايدى Kazinform.

بۇل تۋرالى ايماق باسشىسى الەكساندر تسىبۋلسكي ءوزىنىڭ Telegram-ارناسىندا جازدى. بۇل قازىرگى رەسەيدە وندىرىلگەن ەڭ ءىرى بەس المازدىڭ ءبىرى.

- تاس تەك كولەمى جاعىنان عانا تاڭقالدىرىپ قويمايدى، ونىڭ ساپاسى ەرەكشە جانە نارىقتىق قۇنى جوعارى، - دەپ جازدى تسىبۋلسكي.

مۇنداي كريستالدار ۇلەسى بارلىق تابيعي المازداردىڭ %2 نان اسپايدى.