رەسەيدە 15 مىڭعا جۋىق تۇرعىن ءۇيدى سۋ باستى
استانا. KAZINFORM - رەسەيدە كوكتەمگى سۋ تاسقىنى سالدارىنان سۋ باسقان تۇرعىن ۇيلەردىڭ سانى 15 مىڭعا دەيىن ازايدى، ولاردىڭ كوبى ورىنبور وبلىسىندا ورنالاسقان، دەپ حابارلايدى ت ا س س اقپارات اگەنتتىگى.
«16-ءساۋىر تاڭەرتەڭگى جاعداي بويىنشا 197 ەلدى مەكەن مەن 65 باۋ-باقشا سەرىكتەستىگىندە 14960 تۇرعىن ءۇيدى سۋ باسقان، ونىڭ ىشىندە 14409 ى كۇردەلى جاعداي قالىپتاسىپ وتىرعان ورىنبور وبلىسىندا، 181 ى سامارا وبلىسىندا، تاعى 305 ى قورعان وبلىسىندا»، - دەپ حابارلادى اگەنتتىك.
سونىمەن قاتار، 27688 شارۋاشىلىق تەلىمى، 102 سۋى تومەن كوپىر جانە 79 جول ۋچاسكەسى سۋ استىندا قالدى.
«ءبىر كۇننىڭ ىشىندە 1057 تۇرعىن ءۇي مەن 1659 شارۋاشىلىق تەلىمى، 11 سۋى تومەن كوپىر مەن 11 جول ۋچاسكەسى سۋدان شىعارىلدى»، - دەپ قوستى جەدەل قىزمەت وكىلى.
15-ءساۋىر كۇنى تاڭەرتەڭ رەسەيدىڭ 33 وبلىسىنىڭ 193 ەلدى مەكەنىندە كوكتەمگى سۋ تاسقىنى سالدارىنان 27993 شارۋاشىلىق ۋچاسكەسى مەن 15641 تۇرعىن ءۇي سۋ استىندا قالدى. سونىمەن قاتار، ونىڭ ايتۋىنشا، 27688 شارۋاشىلىق تەلىمى، 102 سۋى تومەن كوپىر جانە 79 جول ۋچاسكەسىنى سۋ باستى.
