رەسەي قازاقستاننان جىبەرىلگەن 24 توننا ءسۇتتى كىرگىزبەي قويدى
استانا. KAZINFORM - «روسسەلحوزنادزور» ومسك وبلىسىنا قازاقستاننان جىبەرىلگەن ءىرى كولەمدەگى ءسۇتتى كىرگىزبەي قويدى.
رەسمي مالىمەتكە سايكەس، 2025 -جىلعى 17- قىركۇيەكتە «يسيلكۋل» وتكىزۋ پۋنكتىندە شامامەن 24 توننا پاستەرلەنگەن سيىر ءسۇتى تيەلگەن جۇك كولىگى توقتاتىلدى. ءونىم كوكشەتاۋداعى «سادوۆوە» ج ش س- دا ءوندىرىلىپ، ومبى وبلىسىنداعى ء«سۇت ينۆەستيتسيالىق كومپانياسىنا» جەتكىزىلۋى ءتيىس بولعان.
تەكسەرۋ بارىسىندا ىلەسپە قۇجاتتاردا سايكەسسىزدىك انىقتالدى. روسسەلحوزنادزوردىڭ ومبى وبلىسى بويىنشا باسقارماسىنىڭ حابارلاۋىنشا، ءسۇت ءونىمى ەۋرازيالىق ەكونوميكالىق وداقتىڭ ۆەتەرينارلىق سەرتيفيكاتىمەن راسىمدەلگەن، الايدا قۇجاتتا قاتە كەتكەن. ناقتىراق ايتقاندا دەكلاراتسيادا كورسەتىلگەن 5 تاۋلىكتىڭ ورنىنا جارامدىلىق مەرزىمى 1 تاۋلىك بولىپ جازىلعان.
ەندى تاۋار قۇجاتتاعى قاتەلىكتەر تۇزەتىلگەننەن كەيىن عانا جىبەرىلەدى. ال تاۋاردى جىبەرگەن كاسىپورىن اكىمشىلىك جاۋاپكەرشىلىككە تارتىلدى.
وسىعان دەيىن قازاقستاننىڭ قىتايعا تۇيەنىڭ قۇرعاق ءسۇتىن ەكسپورتتاي باستاعانى تۋرالى جازدىق.
