رەسەي بەنزين مەن ديزەل ەكسپورتىنا شەكتەۋ قويدى

رەسەي ۇكىمەتى بەنزين مەن ديزەل وتىنىن ەكسپورتتاۋعا ۋاقىتشا شەكتەۋ ەنگىزدى، دەپ حابارلايدى قازاقپارات ءتىلشىسى.

ر ف ۇكىمەتىنىڭ رەسمي سايتىندا جاريالانعان قاۋلىدا جازىلعانداي، مۇنداي شەشىم ىشكى نارىقتاعى جاعدايدى تۇراقتاندىرۋ ءۇشىن قابىلدانعان.

«وسى قاۋلى كۇشىنە ەنگەن كۇننەن باستاپ بەنزين جانە ديزەل وتىنىن (ونىڭ ىشىندە بيرجا ارقىلى ساتىپ الىنعان) اكەتۋگە ۋاقىتشا تىيىم سالىنسىن. قاۋلىنىڭ 1- تارماعىندا كورسەتىلگەن، ياعني ەۋرازيالىق ەكونوميكالىق وداققا مۇشە- مەملەكەتتەردىڭ ۇكىمەتارالىق كەلىسىمىنە ساي، بۇل قاۋلىمەن ءتيىستى تىيىم سالىنبايدى»، - دەلىنگەن ر ف پرەمەر- ءمينيسترى ميحايل ميشۋستين قول قويعان قاۋلىدا.

قۇجاتتا ناقتىلانعانداي، بۇل شەكتەۋلەر ە ا ە و- عا مۇشە ەلدەرگە قاتىستى قولدانىلمايدى. اتاپ ايتقاندا، وداققا قازاقستان، قىرعىزستان، ارمەنيا، بەلارۋس جانە رەسەي مەملەكەتتەرى مۇشە.

قاۋلى قول قويىلعان كۇننەن، ياعني 21-قىركۇيەكتەن باستاپ كۇشىنە ەنەدى.