رەسەي ا ق ش-قا بايىتىلعان ۋران ەكسپورتىن شەكتەدى
استانا. قازاقپارات - ۋاقىتشا شەكتەۋ تۋرالى ءتيىستى قۇجات ۇكىمەت سايتىندا جاريالاندى، دەپ حابارلايدى تاسس.
- بۇل ماسەلە بايىتىلعان ۋراندى اقش- قا ەكسپورتتاۋ تۋرالى نەمەسە امەريكا قۇراما شتاتتارىنىڭ يۋريسديكتسياسىندا تىركەلگەن تۇلعالارمەن جاسالعان سىرتقى ساۋدا كەلىسىمدەرى بويىنشا تۋىنداپ وتىر. تەحنيكالىق جانە ەكسپورتتىق باقىلاۋ فەدەرالدى قىزمەتى بەرگەن ءبىر رەتتىك ليتسەنزيالار نەگىزىندە جەتكىزىلىمدەر ەرەكشەلىك بولىپ تابىلادى، - دەپ جازدى مينيسترلەر كابينەتىنىڭ باسپا ءسوز قىزمەتى.
تاسس حابارلاعانداي، بۇل شەشىم ا ق ش-تىڭ 2024-2027 -جىلدارعا ەنگىزگەن شەكتەۋىنە، ال 2028 -جىلدان باستاپ رەسەيلىك ۋران ونىمدەرىن يمپورتتاۋعا تىيىم سالۋعا جاۋاپ بولىپ سانالادى.
رەسەي پرەزيدەنتى ۆلاديمير پۋتين قىركۇيەك ايىندا ۇكىمەتپەن كەزدەسۋىندە ستراتەگيالىق شيكىزاتتى سىرتقى نارىققا جەتكىزۋدى شەكتەۋ مۇمكىندىگىن تالداۋدى تاپسىردى.
Kazinform-عا ارنايى تاسس سەرىكتەس اگەنتتىگى ۇسىنعان.
