رەسەي 2024-جىلى رەكوردتىق دەڭگەيدە سايتتاردى بۇعاتتادى
استانا. KAZINFORM - ۆەرستكا اقپاراتتىق رەسۋرسىنىڭ مالىمدەۋىنشە، وتكەن جىلى رەسەي بيلىگى 523000 ۆەب-سايتقا كىرۋگە شەكتەۋ قويدى، ونىڭ 417000 نان استامى ءالى دە بۇعاتتاۋلى كۇيىندە. بۇل - 2012-جىلدان بەرگى ەڭ جوعارى كورسەتكىش، دەپ حابارلايدى DW.

وسىلايشا، وتكەن جىلى بۇعاتتالعان رەسۋرستاردىڭ شامامەن 20 پايىزى عانا قايتادان بلوكتان شىعارىلدى. بۇعاتتاۋلار 2023-جىلى بۇدان دا كوپ بولدى، ول كەزدە 571000 سايتقا كىرۋ شەكتەلىپ، 197000 عا جۋىعى بۇعاتتالعان.
ەڭ كوپ بۇعاتتاۋدى فەدەرالدىق سالىق قىزمەتى مەن روسكومنادزور جۇرگىزدى.
رەسەيلىك اگەنتتىكتەر اراسىندا فەدەرالدىق سالىق قىزمەتى 2024-جىلى رەسۋرستاردى بۇعاتتاۋ تۋرالى شەشىمدەر سانى بويىنشا كوشباسشى بولىپ قالدى. 2025-جىلدىڭ باسىندا ول بۇعاتتاعان سايتتار تىزىمىنە 142000 رەسۋرس ەنگىزىلگەن.
ەكىنشى ورىندا روسكومنادزور 132 مىڭنان استام ۆەب-سايتقا كىرۋگە شەكتەۋ قويعان. ودان كەيىن «بەلگىسىز مەملەكەتتىك ورگان» ساناتى (62,1 مىڭ سايت)، ودان كەيىن ماسكەۋ قالالىق سوتى جانە باسقا سوتتار (60,6 مىڭ).
ەسكە سالا كەتەيىك، رەسەي بالالارعا وتتىق ساتقاندارعا ايىپپۇل سالادى.