پرەمەر- مينيستر الماتى وبلىسىنىڭ ونەركاسىپتىك جانە كولىك-لوگيستيكالىق الەۋەتىمەن تانىستى
الماتى. KAZINFORM - پرەمەر- مينيستر ولجاس بەكتەنوۆ الماتى وبلىسىنىڭ كولىك- لوگيستيكالىق جانە ونەركاسىپتىك الەۋەتىمەن تانىستى.
وتاندىق ءوندىرىستى جولعا قويۋ ارقىلى ەكونوميكالىق ءوسىمدى قامتاماسىز ەتۋ ماقساتىندا جۇمىس ىستەيتىن ءبىرقاتار نىسان تەكسەرىلدى. ماقسات - يمپورتتى الماستىرۋ جانە ەكسپورتقا باعدارلاۋ.
اتاپ ايتقاندا، «جەتىگەن» جاڭا كولىك-لوگيستيكالىق ورتالىعى مەن G- TRANS Service يندۋستريالىق- لوگيستيكالىق حابى قۇرىلىسى، سونداي- اق «قايرات» جانە «دامۋ» يندۋستريالىق ايماقتارىن كەڭەيتۋ جۇمىستارىنىڭ بارىسى تەكسەرىلدى.
لوگيستيكالىق ورتالىقتاردى ارالاۋ بارىسىندا ۇكىمەت باسشىسى كولىك ينفراقۇرىلىمى مەن لوگيستيكانى دامىتۋدىڭ وزەكتىلىگىنە توقتالىپ، جوبالاردى تابىستى ىسكە اسىرۋ ءۇشىن جەتىسپەي تۇرعان كوممۋنيكاتسيالاردى جۇرگىزۋ جونىندە ءبىرقاتار تاپسىرما بەردى. بۇل جۇمىستى بيزنەستىڭ جول كارتاسى باعدارلاماسى اياسىندا اياقتاۋ قاجەت. سونداي-اق ونەركاسىپتى دامىتۋ ءۇشىن قاجەتتى جاعدايلار جاساۋدىڭ ماڭىزدىلىعى اتاپ ءوتىلدى.
«مەملەكەت باسشىسى ءوزىنىڭ جولداۋىندا كولىك- لوگيستيكالىق الەۋەتتى ىسكە اسىرۋدىڭ ستراتەگيالىق ماڭىزدىلىعىن اتاپ كورسەتتى. زور پەرسپەكتيۆالاردى اشاتىن وسى ەلەۋلى ارتىقشىلىقتاردى پايدالانۋىمىز كەرەك. ءبىز ساۋدا مەن جالپى ەكونوميكاعا ۇتىمدى اسەر ەتەتىن جاڭا جوبالارعا قىزىعۋشىلىق تانىتىپ وتىرمىز. قازىرگى تاڭدا ينفراقۇرىلىمدىق ماسەلەلەردى شەشىپ جاتىرمىز، بيزنەستىڭ جۇمىسى ءۇشىن قاجەتتى جاعداي جاساپ، ءتيىستى كوممۋنيكاتسيالار قۇرىلادى. سونىمەن بىرگە كاسىپورىنداردىڭ وزدەرى ۇنەمدەلگەن قاراجاتتى ءونىم ساپاسىن ارتتىرۋعا جانە جاڭا جۇمىس ورىندارىن قۇرا وتىرىپ، ودان ءارى كەڭەيتۋگە باعىتتاي الادى»، - دەپ اتاپ ءوتتى ولجاس بەكتەنوۆ.
ماسەلەن، جەتىگەن اۋىلىندا قۋاتتىلىعى جىلىنا 500 مىڭ كونتەينەرگە دەيىن، جالپى جۇك اينالىمى 5 ميلليون تونناعا جەتەتىن ورتالىق ازياداعى العاشقى ءىرى يندۋستريالىق- لوگيستيكالىق حابتىڭ سالىنۋى 3,5 مىڭ جۇمىس ورنىن قۇرۋعا مۇمكىندىك بەرەدى. جوبا نىساننىڭ ق ح ر شەكاراسىنا جاقىن ورنالاسۋى ەسەبىنەن ورتالىق ازيا ەلدەرىمەن جانە قىتايمەن جۇك اعىنىن ارتتىرۋعا باعىتتالعان.
بۇعان قوسا پرەمەر- مينيستر يندۋستريالىق ايماقتار اۋماعىنداعى كومپانيالاردىڭ جۇمىسىمەن تانىستى. ولجاس بەكتەنوۆ «بەنت» تەمىربەتون بۇيىمدارىن، «تەحنونيكول - ورتالىق ازيا» قۇرىلىس ماتەريالدارىن، «شين- لاين» بالمۇزداعىن ءوندىرۋدىڭ تەحنولوگيالىق پروتسەسىن قاراپ شىقتى.
سونداي- اق قۇس ەتىن وندىرەتىن ت م د- داعى ەڭ ءىرى جوعارى تەحنولوگيالىق اۆتوماتتاندىرىلعان كاسىپورىن قۇرۋ بويىنشا جاڭا ينۆەستيتسيالىق جوبا تانىستىرىلدى. جوبا ەلىمىزدىڭ ازىق- تۇلىك قاۋىپسىزدىگىن قامتاماسىز ەتۋگە جانە ەكسپورتقا باعدارلانعان. تولىقتاي ىسكە قوسىلعان كەزدە ونىمدىلىگى جىلىنا 240 مىڭ توننا قۇس ەتىنە دەيىن، ال جۇمىسشىلار سانى 6 مىڭ ادامعا جەتكىزىلەدى. بۇل ە ا ە و اۋماعىنداعى ەڭ ءىرى قۇس فابريكاسى بولماق. سونداي-اق قازاقستاننىڭ يمپورتقا تاۋەلدىلىگىن ازايتىپ، قۇس ەتىنە دەگەن سۇرانىسىن تولىق قاناعاتتاندىرۋعا مۇمكىندىك بەرەدى.
سونىمەن قاتار ۇكىمەت باسشىسى بالىق ونەركاسىبى كەشەنىنە باردى. كاسىپورىندا ىشكى جانە سىرتقى نارىقتاردا ساتۋ ماقساتىندا تەڭىز بالىعى وسىرىلەدى. بۇگىندە نىساننىڭ ءوندىرىس قۋاتتىلىعى 1 مىڭ توننانى قۇرايدى، الداعى ۋاقىتتا ونى 10 مىڭ تونناعا دەيىن ارتتىرۋ كوزدەلگەن.
«ازىق- تۇلىك قاۋىپسىزدىگى - بۇل ءنومىرى ءبىرىنشى ماسەلە. ءبىز ءوزىمىزدى نەگىزگى ازىق- تۇلىك تاۋارلارىمەن قامتاماسىز ەتۋىمىز كەرەك»، - دەپ اتاپ وتكەن ولجاس بەكتەنوۆ ۇكىمەت ونەركاسىپ سەكتورىن قولداۋ شارالارىن ودان ءارى جالعاستىراتىنىن ايتتى.
انىقتاما: الماتى وبلىسىنىڭ ونەركاسىپ ءوندىرىسىنىڭ جالپى كولەمى 2024 -جىلدىڭ 4 ايىنىڭ قورىتىندىسى بويىنشا وتكەن جىلدىڭ سايكەس كەزەڭىمەن سالىستىرعاندا %3,2 عا ءوسىپ، 573,6 ميلليارد تەڭگەگە جەتتى.
