ەرمەك مارجىقپايەۆ پەن گەننادي گولوۆكين وليمپيادالىق اۋىلدى ارالادى
پاريج. KAZINFORM - بۇگىن تۋريز جانە سپورت ءمينيسترى ەرمەك مارجىقپايەۆ پەن ۇلتتىق وليمپيادا كوميتەتىنىڭ باسشىسى گەننادي گولوۆكين وليمپيادالىق اۋىلعا بارىپ، سپورتشىلارمەن كەزدەسۋ وتكىزىپ، قازاقستان اتلەتتەرىنىڭ جاعدايىمەن تانىستى.
كەزدەسۋ باپىسىندا مينيستر مەن ۇ و ك باسشىسى سپورتشىلارعا ساتتىلىك تىلەپ، الداعى وليمپيادادا تابىستى ونەر كورسەتۋگە تىلەكتەستىك ءبىلدىردى.
ايتا كەتەيىك، ءبىزدىڭ سپورتشىلار قاتىساتىن العاشقى باسەكەلەر بۇگىن باستالدى. 25-شىلدەدە ساداق اتۋشىلار ىرىكتەۋدەن وتۋدە.
پاريج وليمپياداسىنا سپورتتىڭ 25 تۇرىنەن 80 قازاقستاندىق سپورتشى جولداما الدى. ويىننىڭ اشىلۋ سالتاناتى 26-شىلدەدە وتەدى.
بۇل كۇندەرى فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنا ىرىكتەۋ تۋرنيرلەرى تولىعىمەن اياقتالدى. قازىرگى تاڭدا ءتورتجىلدىق دوداعا جولداما جەڭىپ العان قازاقستاندىق سپورتشىلارىمىز سوڭعى وقۋ-جاتتىعۋ جيىندارىن وتكىزىپ جاتىر.
قازاقستان قۇراماسى وليمپيادا ويىندارىنا سپورتتىڭ 25 تۇرىنەن 92 جولداما جەڭىپ الدى.
ناقتىراق ايتساق، بوكس، دزيۋدو، سپورتتتىق گيمناستيكا، جەڭىل اتلەتيكا، بايداركا مەن كانوەدە ەسۋ، وقپەن اتۋ، سەمسەرلەسۋ، گرەك-ريم كۇرەسى، ەركىن كۇرەس، ساداق اتۋ، ستەندتىك اتۋ، تەننيس، ۆەلوشوسسە، ءجۇزۋ، زاماناۋي بەسسايىس، تاەكۆوندو، ۆەلوترەك، باتۋت گيمناستيكاسى، بادمينتون، اكادەميالىق ەسۋ، كوركەم گيمناستيكا، ترياتلون، ۇستەل تەننيسى، قۇزعا شىعۋ جانە برەيكينگتەن وليمپيادا ويىندارىندا سىنعا تۇسەدى.
ەستەرىڭىزگە سالا كەتەيىك، فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11-تامىز ارالىعىندا وتەدى. ويىندارعا الەمنىڭ 205 ەلىنەن 10500 سپورتشى قاتىسادى دەپ جوسپارلانعان.
اۆتور
كۇنسۇلتان وتارباي
