ەراسىل قاجىبايەۆ «قازاقستان بارىسى-2024» تۋرنيرىنىڭ چەمپيونى اتاندى
استانا. KAZINFORM - استانا قالاسىندا رەسپۋبليكا كۇنىنە وراي، قازاق كۇرەسىنەن وتكەن «قازاقستان بارىسى-2024» رەسپۋبليكالىق تۋرنيرىندە ەراسىل قاجىبايەۆ قارسىلاسىن ۇتىپ چەمپيون اتاندى.
ناقىتىراق ايتساق، استاناداعى «بارىس ارەنا» سپورت كەشەنىندە قازاق كۇرەسىنەن ⅩⅢ رەسپۋبليكالىق «قازاقستان بارىسى» تۋرنيرىنىڭ فينالىندا ەرسۇلتان مۇزاپپاروۆ (شىمكەنت قالاسى) پەن ەراسىل قاجىبايەۆ (اباي وبلىسى) بەلدەستى.
ناتيجەسىندە ەراسىل قاجىبايەۆ قارسىلاسىن سوڭعى ساتتە تازا ۇتىپ، تۋرنير جەڭىمپازى اتاندى.
ال قازاق كۇرەسىنەن ⅩⅢ رەسپۋبليكالىق «قازاقستان بارىسى» تۋرنيرىنىڭ 3-ورىن ءۇشىن بەلدەسۋدە سايات شامشيەۆ (اباي وبلىسى) پەن ءادىل ورازبايەۆ (اسكەر بارىسى) شەبەرلىك بايقاستى. ناتيجەسىندە اباي وبلىسىنىڭ بالۋانى سايات شامشيەۆ باسىم ءتۇسىپ، «قازاقستان بارىسى - 2024» تۋرنيرىنىڭ 3-ورىن يەگەرى اتاندى.
وسىلايشا 42 بالۋان باق سىناپ جاتقان تۋرنيردىڭ شەشۋشى سىنىنا دا كەلىپ جەتتى.
بۇل تۋرنيردە وبلىستىق جارىستاردىڭ قورىتىندىسى بويىنشا ىرىكتەلگەن ەلىمىزدىڭ ەڭ مىقتى بالۋاندارى باق سىناپ جاتىر. ولار ەلىمىزدىڭ 17 وبلىسى مەن رەسپۋبليكالىق ماڭىزى بار 3 قالا استانا، الماتى جانە شىمكەنت قالالارىنىڭ سپورتشىلارى.
اتالعان تۋرنيردىڭ جەڭىمپازىنا 15000000 تەڭگە بەرىلسە، 2-ورىن العان سپورتشى 3300000 تەڭگەگە يەلىك ەتەدى. ال 3-ورىنعا قول جەتكىزگەن بالۋان 1080000 تەڭگە كولەمىندە سىياقى الادى.
سونىمەن قاتار ءار بالۋان ءار بەلدەسۋدە جەڭىسكە جەتكەنى ءۇشىن تاعى 100000 تەڭگەدەن الىپ وتىرادى.
جالپى «قازاقستان بارىسى-2024» رەسپۋبليكالىق ءتۋرنيردىڭ جۇلدە قورى - 27100000 تەڭگە.
اتالعان تۋرنيردە جەڭىسكە جەتكەن بالۋانداردىڭ باپكەرلەرى دە سىياقىسىز قالمايدى. 3720000 تەڭگە سپورتشىلاردىڭ جاتتىقتىرۋشىلارىنا بەرىلەدى.
اتالعان ءىرى دودا «بارىس- ارەنا» ستاديونىندا ءوتىپ جاتىر.
ايتا كەتەيىك، وسىعان دەيىن جارتىلاي فينالعا كىمدەردىڭ شىققانىن جازعان ەدىك.
اۆتور
كۇنسۇلتان وتارباي
