فرانسيا بيلىگى يلون ماسك پەن X الەۋمەتتىك جەلىسىنە قارسى ءىس قوزعادى
استانا. KAZINFORM - پاريج پروكۋراتۋراسى يلون ماسك پەن ونىڭ X پلاتفورماسىنا قارسى الدىن الا تەرگەۋ باستادى، دەپ حابارلايدى ت ا س س.
باسىلىمنىڭ مالىمەتىنشە، تەرگەۋ ماسكتىڭ 20-ساۋىرگە بەلگىلەنگەن جاۋاپ الۋ وتىرىسىنا كەلمەۋىنە بايلانىستى بولدى. ءىستىڭ بولىگى رەتىندە X كومپانياسىنىڭ بۇرىنعى باس ديرەكتورى ليندا ياككارينونىڭ ارەكەتى دە تەرگەلىپ جاتىر.
X كومپانياسىنىڭ ادۆوكاتى كامي اەري تۇسىنىك بەرۋ تۋرالى وتىنىشكە جاۋاپ بەرمەدى.
بۇعان دەيىن پاريج پروكۋراتۋراسى X كومپانياسىنىڭ فرانتسياداعى كەڭسەلەرىندە ەۋروپالىق پوليتسيامەن جانە فرانسيا جاندارمەرياسىنىڭ كيبەرقىلمىس بولىمىمەن بىرلەسىپ ءتىنتۋ جۇرگىزگەنىن حابارلاعان بولاتىن. Agence France-Presse اقپارات اگەنتتىگىنىڭ حابارلاۋىنشا، تەرگەۋ الەۋمەتتىك جەلىنىڭ الگوريتمدەرىنە قاتىستى شاعىمداردان كەيىن 2025 -جىلدىڭ قاڭتارىندا باستالعان.
ەستەرىڭىزگە سالا كەتەيىك، بۇعان دەيىن فرانسيا سوتى يلون ماسكتى X الەۋمەتتىك جەلىسىنە قاتىستى ءىس بويىنشا تەرگەيتىنى حابارلانعان.
