رۋاندا پرەزيدەنتى استاناداعى فورۋمدا ەلىنىڭ تاريحىنداعى گەنوتسيد كەزەڭىن ەسكە الدى

استانا. KAZINFORM - رۋاندا رەسپۋبليكاسىنىڭ پرەزيدەنتى پول كاگامە استانا حالىقارالىق فورۋمىندا قاۋىپسىزدىك ماسەلەسىنىڭ مەملەكەتتەر دامۋىنداعى ءرولى تۋرالى ءسوز قوزعادى.

- قازاقستانداعى باقۋات - مەملەكەتتىڭ كۇشتى باسشىلىعىنان جانە دامۋدىڭ تۇراقتىلىعىنان كورىنىس بەرەدى. بۇل فورۋم ديالوگ ءۇشىن عانا ەمەس، الەمدەگى پراگماتيكالىق ىنتىماقتىڭ ومىرلىك ماڭىزدى الاڭىنا اينالدى، - باستادى رۋاندا باسشىسى.

مارتەبەلى مەيمان مودەراتوردىڭ قويعان سۇراعىنا جاۋاپ بەرە وتىرىپ ءوز ەلىنىڭ تاريحىن مىسالعا الدى.

- ءبىز اۋەلدە ءوز تاريحىمىزعا ارقا سۇيەيمىز. ەلىمىزدە بولعان گەنوتسيدتى ەسكە الىڭىز. وزگە ەلدەر بىزدە بولىپ جاتقان جاعدايعا نازار اۋدارماي باسقا جاققا كوز تىگىپ جاتتى. ءبىراق بۇل بىزگە وزگە ەلدەرمەن ىنتىماق ورناتۋعا كەدەرگى بولعان جوق. دوس پەيىلدى ەلدەر مەن سەرىكتەستەرىمىزدەن كوپ قولداۋ الدىق. ءبىراق بۇل ءارقايسىمىز ءوز مىندەتىمىزدى ورىنداماساق، سونشالىقتى ىقپال ەتىپ، پايدالى دۇنيە بولماۋشى ەدى.

ءبىز وتكەن تاجىريبەمىزدەن ساباق الدىق. باسقا ەلدەردەن بولىپ جاتقان وقيعالاردان كەز كەلگەن مەملەكەتتىڭ دامۋى ءۇشىن قاۋىپسىزدىك اسا ماڭىزدى ەلەمەنت ەكەنىن اڭعارىپ وتىرمىز، - دەدى پول كاگامە.

ءسوزىنىڭ سوڭىندا رۋاندا باسشىسى قازاقستانعا AIF الاڭى ارقىلى ءار تاراپ الەمدىك ىقپالداستىققا ءوز ۇلەسىن قوساتىنداي مۇمكىندىك ۇسىنعانىنا العىس ايتتى.

ايتا كەتەيىك، ەلوردادا مەملەكەت باسشىسى قاسىم-جومارت توقايەۆتىڭ قاتىسۋىمەن استانا حالىقارالىق فورۋمى ءوتىپ جاتىر.

فورۋمعا 7000 نان استام قاتىسۋشى تىركەلگەن. ەۋروپا، ورتالىق ازيا، تاياۋ شىعىس پەن افريكا ەلىنەن ب ۇ ۇ، ا ا ۇ، ح ك ۇ جانە د ز م ۇ سياقتى جەتەكشى حالىقارالىق ۇيىمداردىڭ اتىنان 160 تان استام سپيكەر شاقىرىلعان. ەكى كۇن بويى ولار ءتۇرلى سالانىڭ ساراپشىلارىمەن بىرلەسىپ، مەملەكەتارالىق ىنتىماقتاستىق مودەلىن، جاڭا جاھاندىق ارىپتەستىك قۇرۋدىڭ كەلەشەگىن تالقىلايدى.

بۇعان دەيىن فورۋمنىڭ مارتەبەلى مەيماندار قاتارىندا رۋاندا رەسپۋبليكاسىنىڭ پرەزيدەنتى پول كاگامەن، البانيا پرەمەر-ءمينيسترى ەدي رامانى، حورۆاتيا رەسپۋبليكاسىنىڭ پرەمەر-ءمينيسترى اندرەي پلەنكوۆيچتى، قاتار پرەمەر-ءمينيسترى - سىرتقى ىستەر ءمينيسترى شەيح مۇحاممەد بەن ابدۋلراحمان ءال ءتاني بار ەكەنى حابارلانعان بولاتىن.

اۆتور

ەسىمجان ناقتىباي