ەر- توقىم مەن توپاتاي
ەر-توقىم مەن توپاتاي شەت اۋدانىنداعى مۋزەي سورەسىندە تۇر. ءداۋىر تاريحى، ەتنوگرافياسى، تاريحي جادىگەرلەر جيناقتالعان مۋزەيدەگى قوس بۇيىم كونەدەن كەلە جاتىر.
كوشپەلى قازاق تاريحىندا ەر-توقىم قاشاننان قۇندى. بۇل تاريحي جادىگەردىڭ يەسى - وردجونيكيدزە اتىنداعى ۇجىمشاردى ۇيىمداستىرۋشى، 1937-جىلعى رەپرەسسيانىڭ قۇربانى بولعان ايەش كوبەن ۇلى. بۇل كىسى 1989-جىلى اقتالادى. ەردىڭ ءۇستى قوڭىر ءتۇستى بىلعارىمەن قاپتالعان. الدىڭعى قاسى ويۋلانىپ، كۇمىستەلگەن. اعاش جانە تەمىر ماتريالدارىن قولدانعان. تاريحي جادىگەردى 2007-جىلى مۋزەي قورىنا اۋىل تۇرعىنى ايەش عابيدوللا تاپسىرعان ەكەن.
اپر
مۋزەي سورەسىندەگى تاعى ءبىر كونە بۇيىم - توپاتاي. توپاتاي - اينالاسى قالىڭ، اعاشتان ءيىپ جاسالعان ءسۇت نەمەسە سۋ قۇياتىن شۇڭعىل ىدىس. ىشىنە قۇيىلعان سۋسىننىڭ ۇزاق جانە بيولوگيالىق قۇرىلىمنىڭ ساقتالۋىنا اسەرى مول. بۇل ىدىستى اۋىل تۇرعىنى، قازاق كۇرەسىنەن بىرنەشە دۇركىن تۇيە بالۋان اتانعان سامال ايناتايەۆ تاپسىرىپتى.
قاسىمحان عالىم
قاراعاندى وبلىسى،
شەت اۋدانى
