قىزىلوردادا دارىگەرلەر ناۋقاستان ۇلكەن جاتىر ميوماسىن الىپ تاستادى
قىزىلوردا. KAZINFORM - قىزىلوردا وبلىستىق پەريناتالدىق ورتالىعىندا دارىگەرلەر ناۋقاستان ۇلكەن جاتىر ميوماسىن الىپ تاستادى.
سكرينينگ ءوتۋ بارىسىندا ناۋقاستان ۇلكەن ميوماتوزدى ءتۇيىن ۋلترادىبىستىق زەرتتەۋ ارقىلى انىقتالعان. ونىڭ سىرقاتى بىرنەشە ايعا سوزىلعان. ناۋقاس ءوسىپ كەلە جاتقان ءىش پەن تارتىلعان اۋىرسىنۋعا بايلانىستى شاعىمدانعان.
«دارىگەرلەر تەكسەرۋىنەن كەيىن وعان جاتىردىڭ ۇلكەن تۇيىندىك ميوماسى دياگنوزى قويىلعان. ناۋقاس وبلىستىق پەريناتالدىق ورتالىعىنىڭ گينەكولوگيا بولىمىنە جىبەرىلدى. وعان ءبىر جارىم ساعاتقا سوزىلعان لاپاروتاميا وتاسى جاسالدى. وتادان كەيىن ناۋقاس ءوزىن جاقسى سەزىنىپ، ۇيىنە شىعارىلدى. ول ەندى تۇرعىلىقتى جەرى بويىنشا ەمحانادا گينەكولوگتىڭ قاداعالاۋىندا بولادى»، - دەدى گينەكولوگيا ءبولىمىنىڭ مەڭگەرۋشىسى ازيز قۇربانبايەۆ.
كۇردەلى وتانى ارنايى وتا بلوگى بار قابىلداۋ ءبولىمىنىڭ مەڭگەرۋشىسى الەكسەي كيم، گينەكولوگيا ءبولىمىنىڭ مەڭگەرۋشىسى ازيز قۇربانبايەۆ جاسادى. وتادان كەيىن ناۋقاس گينەكولوگيا بولىمىندە دارىگەرلەر باقىلاۋىندا بولدى. 2024 -جىلدىڭ باسىنان باستاپ وبلىستىق پەريناتالدىق ورتالىعىنىڭ گينەكولوگيا بولىمشەسىندە ءارتۇرلى مولشەردەگى ميومانى جويۋ بويىنشا 15كە جۋىق وتا جاسالعان.
اۆتور
ءادىلجان ۇمبەت
