قىزىلوردا وبلىسىندا توي كورتەجىندە جول ەرەجەسىن ورەسكەل بۇزعاندار جازالاندى

بەينەجازبادان كورىنگەندەي، 23-تامىزعا قاراعان ءتۇنى توي كورتەجى قۇرامىنداعى اۆتوكولىك جۇرگىزۋشىلەرى جول قوزعالىسى ەرەجەلەرىن بۇزعان.

- ءتارتىپ ساقشىلارى 7 جۇرگىزۋشىنى پوليتسيا بولىمىنە جەتكىزىپ، ولارعا قاتىستى اكىمشىلىك شارا قابىلدادى. اتاپ ايتقاندا، 2 ازاماتقا ق ر ا ق ب ت ك-نىڭ 590-بابىنىڭ 2-بولىگى، ياعني كولىك قۇرالدارىن پايدالانۋ كەزىندە بەلگىلەنگەن تالاپتاردى بۇزۋ، 2 ازاماتقا 606-باپتىڭ 1-بولىگى - جول جۇرىسىنە قاتىسۋشىنىڭ جول ءجۇرىسى قاعيدالارىنىڭ تالاپتارىن ورىنداماۋى، سونىڭ ىشىندە جول قاۋىپسىزدىگىنە قاتىستى تالاپتاردى بۇزۋ، 1 ازاماتقا 612-باپتىڭ 2-بولىگى نەمەسە كولىك قۇرالىن باسقارۋ قۇقىعى جوق ادامنىڭ كولىك قۇرالىن باسقارۋى نەمەسە ءتيىستى قۇجاتتارعا قاتىستى تالاپتاردى بۇزۋ، 2 ازاماتقا 596-باپتىڭ 3-بولىگى، ياعني جول ءجۇرىسى قاعيدالارىندا بەلگىلەنگەن مانيەۆر جاساۋ/جولاق بويىنشا قوزعالۋ تالاپتارىن بۇزۋ جاعدايلارى بويىنشا اكىمشىلىك حاتتاما تولتىرىلدى. بارلىق جۇرگىزۋشىگە قوسىمشا رەسمي ەسكەرتۋ بەرىلدى، - دەلىنگەن حابارلامادا.

وبلىستىق پوليتسيا دەپارتامەنتى ازاماتتاردى جول قوزعالىسى ەرەجەلەرىن قاتاڭ ساقتاپ، جول قاۋىپسىزدىگىنە جاۋاپكەرشىلىكپەن قاراۋعا شاقىرادى.