قىتايدىڭ كوپتەگەن ايماعىندا «جۇرەتىن قوناق ءۇي» تۋريستىك جوباسى ىسكە قوسىلدى - شەتەلدەگى قازاق باسپا ءسوزى
استانا. قازاقپارات - «Kazinform» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
وزبەكستاندا قالدىقتان جانارماي ءوندىرۋ جوباسى ىسكە قوسىلادى – ءو ز ا
وزبەكستاندا ونەركاسىپتىڭ ءقاۋىپتى قالدىقتارىن باسقارۋعا باعىتتالعان ءىرى حالىقارالىق جوبا جۇزەگە اسىرىلادى. بۇل جونىندە ەكولوگيا، قورشاعان ورتانى قورعاۋ جانە كليماتتىڭ وزگەرۋى جونىندەگى مينيسترلىك حابارلادى، دەپ جازادى ءوزا.
وزبەكستاندىق ب ا ق- تىڭ دەرەگىنشە، جوبا ساۋد ارابياسىنىڭ Vision International Investment Company (VIIC) جانە فرانسيانىڭ Suez International كومپانياسىمەن بىرلەسىپ ىسكە اسىرماق. سوعان وراي تاراپتار ءوزارا ىنتىماقتاستىق تۋرالى كەلىسىمگە قول قويعان.
78 ميلليون ا ق ش دوللارى كولەمىندەگى جوبا ءۇش كەزەڭدە جۇزەگە اسىرىلماق
اتاپ ايتقاندا، ءبىرىنشى كەزەڭدە قالدىقتاردى تۇراقتاندىرۋ، ولاردى پوليگوندارعا ورنالاستىرۋ كەشەندەرى مەن ايماقتىق تاسىمالداۋ ستانتسيالارى قۇرىلادى؛
ەكىنشى كەزەڭدە RDF (Refuse-Derived Fuel) - قالدىقتان جانارماي ءوندىرۋ قۇرىلعىلارى مەن جاعۋ نىساندارى جوبالانىپ، تاجىريبەلىك سىناقتار جۇرگىزىلەدى؛
ءۇشىنشى كەزەڭدە RDF جانارمايىن تولىق كولەمدە وندىرەتىن، جىلۋمەن وڭدەيتىن زاۋىت سالىنىپ، پايدالانۋعا بەرىلەدى.
ايتا كەتۋ كەرەك، بۇل باستاما وزبەكستاننىڭ ەكولوگيالىق تۇراقتىلىقتى قامتاماسىز ەتۋ جولىنداعى ماڭىزدى قادامى رەتىندە باعالانىپ وتىر. سونىمەن قاتار جوبا ەل مەن شەتەلدىك سەرىكتەستەر اراسىنداعى ستراتەگيالىق ارىپتەستىكتى تەرەڭدەتۋگە جانە قورشاعان ورتانى قورعاۋعا ەلەۋلى ۇلەس قوسادى دەپ كۇتىلۋدە.
سونداي-اق وسى اپتادا «ءو ز ا» - دا «وزبەكستان مەن قازاقستان گەولوگيا سالاسىنداعى ارىپتەستىكتى نىعايتادى» دەگەن تاقىرىپتا اقپارات جاريالاندى.
اتالعان اقپارات كوزىنىڭ دەرەگىنشە، وزبەكستان رەسپۋبليكاسىنىڭ تاۋ-كەن ونەركاسىبى جانە گەولوگيا مينيسترلىگىندە قازاقستان رەسپۋبليكاسىنىڭ قۇرىلىس جانە ونەركاسىپ ءمينيسترىنىڭ ورىنباسارى يران شارحان باستاعان دەلەگاتسيامەن كەزدەسۋ ءوتتى.
كەزدەسۋ بارىسىندا تاراپتار گەولوگيا جانە كەن ءوندىرۋ سالالارىنداعى ىنتىماقتاستىقتى نىعايتۋ، عىلىمي-زەرتتەۋ باعىتىندا تاجىريبە الماسۋ جانە بىرلەسكەن جوبالاردى ىسكە اسىرۋ ماسەلەلەرىن تالقىلاعان.
وزبەكستاندىق ب ا ق- تىڭ دەرەگىنشە، قازاقستان دەلەگاتسياسى تاشكەنتتە ءوتىپ جاتقان «Minex Central Asia 2025» فورۋمىنىڭ جوعارى دەڭگەيدە ۇيىمداستىرىلعانىن ەرەكشە اتاپ ءوتىپ، بۇل وزبەكستانداعى گەولوگيا جانە تاۋ-كەن سالاسىنداعى رەفورمالاردىڭ قارقىنىن كورسەتەتىنىن جەتكىزدى.
وزبەكستاندىق باسىلىمنىڭ مالىمدەۋىنشە، كەزدەسۋ قورىتىندىسىندا تاراپتار سالاارالىق ىنتىماقتاستىقتى تەرەڭدەتۋگە، تۇراقتى ديالوگ ورناتۋعا جانە تاجىريبە الماسۋدى جانداندىرۋعا ۋاعدالاستى. مۇنداي ءوزارا بايلانىستار ەكى ەل اراسىنداعى ستراتەگيالىق ارىپتەستىكتى نىعايتۋدىڭ ماڭىزدى تەتىگى رەتىندە باعالاندى.
يران اتوم ەنەرگەتيكاسى جونىندەگى حالىقارالىق اگەنتتىكپەنىنتىماقتاستىعىن توقتاتتى - ParsToday
يران يسلام كەڭەسى ءماجىلىسىنىڭ ءتوراعاسى يراننىڭ اتوم ەنەرگەتيكاسى جونىندەگى حالىقارالىق اگەنتتىكپەن يادرولىق نىسانداردىڭ قاۋىپسىزدىگىنە كەپىلدىك بەرىلگەنگە دەيىن جانە يراننىڭ بەيبىت يادرولىق باعدارلاماسى جىلدام قارقىنمەن العا ىلگەرلەمەيىنشە، اگەنتتىكپەن ىنتىماقتاستىعىن توقتاتاتىنىن ايتتى، دەپ حابارلايدى ParsToday اقپارات اگەنتتىگى.
«يران يسلام كەڭەسى ءماجىلىسىنىڭ ءتوراعاسى مۇحامماد باقەر قاليباف سارسەنبى كۇنى پارلامەنتتىڭ اشىق وتىرىسىندا: «ا ق ش يران حالقىنىڭ تاباندىلىعىن كورگەندە، ءوزىن قيىن جاعدايدان شوۋ شابۋىلىمەن قۇتقارۋعا تىرىستى جانە ونىڭ ايماقتاعى قولباسشىلىق ورتالىعىنا يران جاۋاپ بەرگەننەن كەيىن اتىستى توقتاتۋدى ۇسىنىپ، ونىڭ ارتىنا ءتۇستى. مۇنىڭ ءبارى يران ءوزىنىڭ ۇستامدىلىعىمەن ءوزىنىڭ بارلىق مۇمكىندىكتەرىن، ونىڭ ىشىندە الەمنىڭ ەنەرگەتيكالىق ەكونوميكاسىنا اسەر ەتە الاتىن مۇمكىندىگىن ءالى پايدالانباعان جاعدايدا بولىپ جاتقانىن ايتتى»، دەپ جازادى يراندىق باسىلىم.
تۇركيا كوپ قاباتتى اۋە قورعانىس جۇيەسىن جەتىلدىرەدى - TRT
تۇركيا بۇكىل ەل اۋماعىندا كوپقاباتتى اۋە قورعانىس جۇيەسىن كەڭەيتۋ ماقساتىندا «بولات كۇمبەز» دەپ اتالاتىن قورعانىس جۇيەسىنە ينۆەستيتسيا سالۋدى جوسپارلاپ وتىر.
بۇل تۋرالى وسى اپتادا تۇركيا راديو تەليەۆيزيا پورتالى ۇلتتىق قورعانىس مينيسترلىگىنىڭ دەرەككوزدەرىنە سىلتەمە جاساپ حابارلادى.
مينيسترلىكتەگى لاۋازىم يەسىنىڭ ايتۋىنشا، تۇركيا ەڭ الدىمەن اۋە قورعانىس جۇيەسى - «بولات كۇمبەزگە» ينۆەستيتسيا سالۋدى جانە بۇكىل ەل بويىنشا كوپقاباتتى اۋە قورعانىس جۇيەسىن كەڭەيتۋدى جوسپارلاپ وتىر.
تۇركيالىق ب ا ق- تىڭ دەرەگىنشە، جوسپارلانعان جاڭارتۋلار گيپەردىبىستىق، بالليستيكالىق جانە قاناتتى زىمىران جۇيەلەرىنە، سونداي- اق ۇشاقتارعا، اسكەري كەمەلەرگە، تانكتەرگە جانە قۇرلىقتا، تەڭىزدە جانە اۋەدە قولدانىلاتىن ۇشقىشسىز جۇيەلەرگە، جاڭا بۋىن اۋە تاسىمالداۋشىلارى مەن فرەگاتتارعا ينۆەستيتسيا سالۋدى قامتيدى.
سونداي-اق «TRT» باسىلىمىندا «تۇركيانىڭ 26 ۋنيۆەرسيتەتى الەم ۋنيۆەرسيتەتتەرىنىڭ «QS 2026» رەيتينگى تىزىمىنە ەندى» دەگەن تاقىرىپتا اقپارات جارىق كوردى.
كەلتىرىلگەن دەرەكتەرگە سۇيەنسەك، «QS 2026» الەم ۋنيۆەرسيتەتتەرى رەيتينگىنىڭ العاشقى 500 ۋنيۆەرسيتەت تىزىمىندە تۇركيانىڭ 6 ۋنيۆەرسيتەتى بار.
تۇركيا جوعارى ءبىلىم كەڭەسى (YضK) الەمنىڭ 106 ەلىنەن جانە ايماعىنان 1500 ۋنيۆەرسيتەتتى قامتيتىن «QS 2026» الەم ۋنيۆەرسيتەتتەرى رەيتينگىنىڭ تىزىمىنە 26 تۇرىك ۋنيۆەرسيتەتىنىڭ كىرگەنىن جاريالادى.
سونداي-اق تۇركيا رەيتينگتە 20 دان استام ۋنيۆەرسيتەتى بار ەلدەر اراسىندا ءتورتىنشى ورىندا تۇر.
قىتايدىڭ كوپتەگەن ايماعىندا «جۇرەتىن قوناق ءۇي» تۋريستىك پويىزدارى ىسكە قوسىلدى - «حالىق گازەتى»
جاقىندا قىتايدىڭ كوپتەگەن جەرىندە تۋريستىك پويىزدار ىسكە قوسىلىپ، «جۇرەتىن قوناق ءۇي» سالىپ، ساياحاتشىلارعا جاڭا ساياحات تاجىريبەسىن ۇسىندى. بۇل ەگدە جاستاعىلاردىڭ قىدىرۋىنا قولايلى بولدى. سول ارقىلى ءتۋريزمدى ءتيىمدى ىلگەرىلەتىپ، قارتتار ەكونوميكاسىن دامىتتى، دەپ حابارلايدى «حالىق گازەتى» باسىلىمى.
قىتايلىق باسىلىمنىڭ مالىمەتىنشە، حەنان ولكەسى شىعارعان ارنايى تۋريستىك پويىز ءساۋىر ايىنىڭ ورتاسىندا جۇمىسىن باستاعان. پويىزدىڭ سىرتقى ديزاينى مەن ىشكى بەزەندىرىلۋى ايماقتىق مادەنيەت ەرەكشەلىنە يە، ول بەينە «كوشپەلى مادەنيەت زالى» سياقتى. پويىزدىڭ ينتەرەرى قارتتارعا ىڭعايلى ەتىپ قايتا جابدىقتالدى، مىسالى، دىبىسسىز تەحنولوگيا جانە ۇستىڭگى جانە استىڭعى توسەكتەردەگى ەكى قاباتتى تەرەزەلەر سياقتى ورنالاستىرۋلار ەگدە جاستاعىلاردىڭ ساياحاتىنا قولايلى بولعان.
كەلتىرىلگەن دەرەكتەرگە سۇيەنسەك، ءاربىر جەكە بولمە ەگدە جاستاعى جولاۋشىلاردىڭ دەنساۋلىعى مەن قاۋىپسىزدىگىن قامتاماسىز ەتۋ ءۇشىن جەكە دارەتحانامەن، قۇرعاق-دىمقىل دارەتحانامەن جانە مەديتسينالىق قىزمەت كورسەتۋ ايماعىمەن جابدىقتالعان.
سونىمەن قاتار، پويىز 2 ادامدىق، 3 ادامدىق جانە 4 ادامدىق بولمەلەر سياقتى جۇمساق ۇيىقتايتىن ۆاگوندارمەن، سونداي-اق اسحانا ۆاگوندارى، كوپ فۋنكتسيالى ۆاگوندار جانە جۇمىس ۆاگوندارىمەن جابدىقتالعان. ولاردىڭ ىشىندە كوپ فۋنكتسيالى ۆاگوندار جولاۋشىلاردىڭ ءارتۇرلى قاجەتتىلىكتەرىن قاناعاتتاندىرۋ ءۇشىن كورىكتى جەرلەردى تاماشالاۋ، دەمالۋ، ويىن-ساۋىق سىندى قىزمەتتەردى بىرىكتىرەدى.
اۆتور بەيسەن سۇلتان
