قىتايدىڭ بۇرىنعى پرەمەر-ءمينيسترى لي كىشياڭ قايتىس بولدى

китай
Фото: Фото: Kevin Frayer/Getty Images

 قىتايدىڭ مەملەكەتتىك اقپارات قۇرالدارى بۇرىنعى پرەمەر-مينيستر لي كىشياڭنىڭ قايتىس بولعانىن حابارلادى. 68 جاستاعى لي كىشياڭ بيىلعى جىلدىڭ باسىنا دەيىن شي جينپيڭنىڭ ۇكىمەت كابينەتىندە قىزمەت ەتتى. 

قىتاي مەملەكەتتىك تەلەارناسىنىڭ حابارلاۋىنشا، 68 جاستاعى لي كىشياڭ بەيسەنبى كۇنى ءتۇن ورتاسىندا جۇرەك تالماسىنا ۇشىراپ، «ونى قۇتقارۋ ارەكەتتەرىنىڭ ءبارى ءساتسىز اياقتالدى». ول سول كەزدە شاڭحايدا بولعان.

لي كىشياڭ 2013 -جىلى پرەمەر-مينيستر بولدى جانە ءبىر كەزدەرى قىتاي كوممۋنيستىك پارتياسىنىڭ ىقتيمال كوشباسشىسى سانالعان. ءبىراق سودان كەيىن شي جينپيڭ جوعارعى باسشى بولدى. لي كىشياڭ وسى جىلدىڭ باسىندا زەينەتكەرلىككە شىققانعا دەيىن پرەمەر-مينيستر قىزمەتىن اتقاردى.

پرەمەر-مينيستر رەتىندە لي كىشياڭ مەملەكەتتىك بيۋروكراتيانى رەفورمالاۋدى جانە جەكە ەكونوميكاعا ارالاسۋدى ازايتۋدى جاقتادى.

لي كىشياڭ 2020 -جىلدىڭ 28-مامىرىندا وتكەن باسپا ءسوز ءماسليحاتىندا قىتايداعى 600 ميلليوننان استام ادامنىڭ ورتاشا ايلىق تابىسى 1000 يۋاننان (شامامەن 65000 تەڭگە) تومەن ەكەنىن اتاپ ءوتتى.

قىتايلىق جەلى قولدانۋشىلارى Weibo سايتىنا لي كىشياڭنىڭ ءولىمى تۋرالى حاباردى اۋىر قابىلداعانىن جازۋدا.

«(ول) ءارقاشان ءبىزدىڭ جۇرەگىمىزدە بولادى»، - دەپ پىكىر قالدىردى ءبىر قولدانۋشى.

«كۇتپەگەن حابار بولدى. شىن جۇرەكتەن كوڭىل ايتامىز»، - دەپ جازدى Global Times كوممۋنيستىك پارتيا گازەتىنىڭ بۇرىنعى باس رەداكتورى حۋ سيجين.

اۆتور

مۇحتار مۇرات

سوڭعى جاڭالىقتار