قىتايدىڭ 5 ج و و-ى وتانداستارىمىزدى قازاق تىلىندە وقىتىپ جاتىر
استانا. KAZINFORM - قىتايدا 10 مىڭنان استام قازاقستاندىق ءبىلىم الىپ جاتىر. بۇل تۋرالى قىتاي حالىق رەسپۋبليكاسىنىڭ سىرتقى ىستەر ءمينيسترى ۋاڭ ي ءمالىم ەتتى.
«قىتاي قازاقستاننان جوعارى ساپالى اۋىل شارۋاشىلىعى ونىمدەرىن يمپورتتاۋعا دايىن. سونداي-اق، تاراپتار «قىتاي- ەۋروپا» پويىزدارى سالاسىنداعى ىنتىماقتاستىقتى نىعايتا تۇسپەك. سونىمەن قاتار ەكىجاقتى تاۋار الماسۋ، وتكىزۋ قابىلەتىن ارتتىرىپ، نەعۇرلىم قولايلى جاعدايلار جاساۋعا شەشىم قابىلداندى»، - دەدى ۋاڭ ي قازاقستانعا ساپارى بارىسىندا.
قىتاي ءمينيسترىنىڭ ايتۋىنشا، بۇگىندە اتالعان ەلدە 10 مىڭنان استام قازاقستاندىق ستۋدەنت ءبىلىم الۋدا.
«قازاقستاندىق ستۋدەنتتەر ءۇشىن قىتايدىڭ بەس جوعارى وقۋ ورنىندا قازاق تىلىندە وقىتۋ قولجەتىمدى. 2023 -جىلعى قاراشادا ەكى ەل اراسىندا ۆيزاسىز رەجيم ەنگىزىلدى»، - دەيدى ول.
ايتا كەتەيىك، بۇگىن قىتاي حالىق رەسپۋبليكاسىنىڭ سىرتقى ىستەر ءمينيسترى ۋاڭ ي قازاقستانعا رەسمي ساپارمەن كەلدى.
بۇعان دەيىن ەلىمىزدىڭ سىرتقى ىستەر ءمينيسترى مۇرات نۇرتىلەۋ «قازاق- قىتاي» ىقپالداستىعى بۇرىن-سوڭدى بولماعان بەلەستەرگە شىققانىن ايتقان ەدى.
اۆتور
داۋلەت ىزتىلەۋ
