18:15, 26 - ماۋسىم 2025 | GMT +5
قىتايداعى سۋ تاسقىنى: جەلىدە قورقىنىشتى كادرلار پايدا بولدى
استانا. KAZINFORM - قىتايدىڭ وڭتۇستىك-باتىسىنداعى قاتتى سۋ تاسقىنى سالدارىنان گۋيچجوۋ پروۆينتسياسىنداعى كولىكتەردى سۋ باسىپ، كولىك يەلەرىنە شىعىن كەلتىردى.
قاتتى جاڭبىر مەن سۋ تاسقىنى سالدارىنان 80 مىڭنان اسا ادام ەۆاكۋاتسيالانعانى بەلگىلى:
جۋنتسزيان وكرۋگىندە 48900 تۇرعىن ەۆاكۋاتسيالاندى؛
تسۋنتسزيان وكرۋگىندە 32000 ادام ەۆاكۋاتسيالاندى؛
دۋليۋ وزەنىندەگى سۋ دەڭگەيى 6,68 مەترگە اسىپ كەتتى.
سۋ تاسقىنىنىڭ ۆيدەوسى الەۋمەتتىك جەلىلەردە تاراپ كەتتى. سۋعا باتقان كولىكتەردى قالپىنا كەلتىرۋ قىمباتقا تۇسەدى جانە كوپ ۋاقىت الادى.
قاراجاتتىڭ ءبىر بولىگىن قايتارۋدىڭ ءبىر جولى - كولىكتى اۋكسيوندا ساتۋ. جەلى قولدانۋشىلارى بۇل جايتتى قىزۋ تالقىلاپ جاتىر.
