قىتايدا وتەتىن قىسقى ازيا ويىندارىنا قانشا سپورتشى قاتىساتىنى بەلگىلى بولدى

استانا. KAZINFORM - قىتايدىڭ حاربين قالاسىندا وتەتىن IX قىسقى ازيا ويىندارىنا قانشا سپورتشى قاتىساتىنى بەلگىلى بولدى.

аа
Фото: harbin2025.

قىسقى ازيا ويىندارىن ۇيىمداستىرۋ كوميتەتى باس حاتشىسىنىڭ ورىنباسارى، اتقارۋشى كوميتەت ديرەكتورىنىڭ ورىنباسارى جانە حاربين قالالىق حالىق ۇكىمەتى اكىمىنىڭ ورىنباسارى چجان حايحۋانىڭ ايتۋىنشا، ءدۇبىرلى دودا تاريحتا ەڭ كوپ ەل قاتىسقان قىسقى ازيادانىڭ ءبىرى بولماق. وعان ازيانىڭ 34 ەلىنەن/ايماقتارىنان بارلىعى 1275 سپورتشى قاتىسادى، ولاردىڭ اراسىندا 755 ەر سپورتشى جانە 520 ايەل سپورتشى بار.

سونداي-اق، مۇز سپورتىنا 847 سپورتشى (513 ەر، 334 ايەل) جانە قارداعى سپورت تۇرىنە 428 سپورتشى (ەرلەر 242 ادام، 186 ايەل) قاتىسادى.

ونىڭ ايتۋىنشا، العاشقى جارىستار 3-اقپاندا باستالىپ، 8-اقپان كۇنى العاشقى التىن مەدال يەگەرى انىقتالادى.

ەسكە سالساق، IX قىسقى ازيا ويىندارى 2025-جىلدىڭ 7-14-اقپانى ارالىعىندا قىتاي حالىق رەسپۋبليكاسى حەيلۋنتسزيان پروۆينتسياسىنىڭ حاربين قالاسىندا وتەدى. سپورتشىلار 11 سپورت ءتۇرى بويىنشا 64 مەدال جيىنتىعىن ساراپقا سالادى.

ق ر تۋريزم جانە سپورت مينيسترلىگىنىڭ حابارلاۋىنشا، قازاقستاننان 139 سپورتشى ەل نامىسىن قورعايدى.

وسىعان دەيىن قىسقى ازيا ويىندارى بيلەتتەرى رەسمي ساتىلىمعا شىققانىن جانە الاۋ ەستافەتاسى باستالعانىن جازعان ەدىك.

اۆتور مۇحتار قاليموللا ۇلى

سوڭعى جاڭالىقتار