قىتايدا تۇراتىن قازاق جىگىتى «الىپ» تراكتور قۇراستىردى

استانا. KAZINFORM - قىتايدىڭ قۇمىل ايماعى باركول قازاق اۆتونوميالى اۋدانىندا تۇراتىن قانداسىمىز جانات ىلايىق ۇلى قۋاتى 460 ات كۇشى بولاتىن «الىپ» تراكتور قۇراستىرىپ شىقتى. ول ءوزى قۇراستىرعان كولىكتى الەۋمەتتىك جەلى ارقىلى تانىستىردى.

ونىڭ ايتۋىنشا، «BARS 4604» دەپ اتالاتىن بۇل تراكتور وزگەشە مۇمكىندىكتەرىمەن ەرەكشەلەنەدى.

«بۇل جوبانى زەرتتەگەنىمە بىرنەشە جىل بولدى. سوڭعى 3 ايدىڭ ىشىندە بولشەكتەرىن سىزبا بويىنشا زاۋىتتارعا تاپسىرىس بەرىپ، قۇراستىرىپ، دايىندادىم. «BARS» - مەنىڭ كومپانيامنىڭ اتى، 460 - ات كۇشىن بىلدىرەدى، 4 - ءتورت دوڭعالاعى تارتادى دەگەن ماعىنادا. ات كۇشى جوعارى بولعاندىقتان جەر جىرتۋ ءۇشىن پايدالانۋعا ارناپ جاسادىم. مەحانيكالىق بەرىلىس قوراپتارىنا وزگەرىس ەنگىزدىم. سونىمەن قاتار تراكتوردىڭ تاعى ءبىر ەرەكشەلىگى، مۇندا ەكى رۋل بار. قازىرگە دەيىن باسقا تراكتورلاردا جوق قوسىمشا رۋل وتە قولايلى، جۇرگىزۋشىنىڭ جۇمىسىن كوپ جەڭىلدەتەدى»، - دەيدى جانات ىلايىق ۇلى.

فوتو: ۆيدەودان الىنعان كادر

اۆتور
ريزابەك نۇسىپبەك ۇلى