قىتايدا «مەنىڭ التايىم» تەلەحيكاياسى كورىلىم رەيتينگىسىندە توپ باستاپ تۇر

استانا. KAZINFORM - قىتاي قازاقتارى تۋرالى «مەنىڭ التايىم» اتتى 8 بولىمنەن تۇراتىن تۋىندى قىتاي ورتالىق تەلەۆيزياسى CCTV-1 تەلەارناسىنداعى كورىلىمى ەڭ جوعارى تەلەحيكايا اتاندى.

People.com سايتىنىڭ حابارلاۋىنشا، تەلەحيكايا كوگىلدىر ەكرانعا شىققان العاشقى كۇنى-اق ءبىرىنشى ورىنعا شىققان.

سونداي-اق، قىتايدىڭ ونلاين ۆيدەو پلاتفورماسىنداعى تەلەحيكايانىڭ كورىلىمى العاشقى ەكى كۇندە 10 ميلليوننان استى. ال قىتايلىق 抖音 (Tiк Tok) جانە 微博 (Weibo) الەۋمەتتىك جەلىلەرىندە «مەنىڭ التايىم» ەڭ كوپ ىزدەلگەن سوزگە اينالعان.

Zhihu.com سايتىنىڭ حابارلاۋىنشا، «مەنىڭ التايىم» تۋىندىسى قىتايلىقتاردىڭ شىڭجاڭعا كوپتەپ ساياحاتتاپ كەلۋىنە سەبەپ بولعان. بۇل كۇندە، تەلەحيكايا ءتۇسىرىلىمى بولعان اسەم تابيعاتقا كەلۋشىلەر سانى ارتىپ، جەرگىلىكتى قوناق ۇيلەرگە تاپسىرىس ارتتى.

ايتا كەتەيىك، «مەنىڭ التايىم» تەلەحيكاياسى جازۋشى لي جيۋۋاننىڭ شىعارمالار جەلىسى بويىنشا تۇسىرىلگەن. باستى رولدەردە قىتايلىق تانىمال اكتەر ما يلي جانە چجوۋ يران، شىڭجاڭدىق قانداسىمىز الما مەن قايرات وينايدى.

شىعارما 2010-جىلى جارىق كورگەن. وندا جازۋشى لي جيۋۋاننىڭ اناسىمەن بىرگە التاي ايماعىنىڭ قازاق اۋىلىنداعى باستان كەشكەن وقيعالارى، كوركەم تابيعات پەن قازاقتاردىڭ تۇرمىس-تىرشىلىگى سۋرەتتەلەدى.

اۆتورمۇحتار قاليموللا ۇلى