قىتايدا جىلدامدىعى ساعاتىنا 450 شاقىرىمعا جەتەتىن جۇردەك پويىزدىڭ پروتوتيپى تانىستىرىلدى

استانا. قازاقپارات - CR450 جۇردەك پويىزى پروتوتيپىنىڭ جىلدامدىعى 450 ك م/ساع جەتەدى، دەپ حابارلايدى شينحۋا.

قىتاي تەمىر جولدارى كومپانياسىنىڭ تۇسىندىرۋىنشە، CR450 پويىزدارى 400 ك م/ساع جىلدامدىقپەن جۇرەدى.

CR450 قىتاي تەمىر جولىنىڭ تەحنولوگيالىق يننوۆاتسيا دەڭگەيىن جانە تەحنولوگيالىق قامتاماسىز ەتۋ قابىلەتىن ايتارلىقتاي ارتتىرىپ، قىتايدىڭ الەمدەگى جوعارى جىلدامدىقتى تەمىرجول تەحنولوگياسى بويىنشا ارتىقشىلىعىن ودان ءارى كۇشەيتەتىنى اتالىپ ءوتتى.

قىتايدا پايدالانۋعا بەرىلگەن تەمىر جولداردىڭ جالپى ۇزىندىعى 2024 -جىلى عانا 47 مىڭ شاقىرىمعا جەتتى، 2300 شاقىرىم جاڭا تەمىر جولدار پايدالانۋعا بەرىلدى.

وسىعان دەيىن قىتاي بايلانىس تەحنولوگياسىن سىناپ كورۋ ءۇشىن جاڭا جەرسەرىگىن ۇشىرعانى تۋرالى حابارلادىق.