قىتايدا شەنەۋنىكتەر اراسىندا قىمبات تاعامدار مەن الكوگول ونىمدەرىن تۇتىنۋعا تىيىم سالىندى
استانا. KAZINFORM - قىتايدا ۇنەمشىلدىكتى قاتاڭ ساقتاۋعا شاقىرىلىپ، پارتيالىق جانە مەملەكەتتىك مەكەمەلەردە ىسىراپشىلدىقپەن كۇرەس شارالارى كۇشەيتىلىپ جاتىر، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
بۇل تۋرالى ق ح ر مەملەكەتتىك كەڭەسىنىڭ سايتىندا جاريالانعان قاۋلى ماتىنىندە ايتىلعان.
قۇجاتتا سونداي-اق قابىلداۋلارعا، الكوگول مەن تەمەكىگە جۇمسالاتىن شىعىندارعا قاتىستى نۇسقاۋلار بەرىلگەن.
اتاپ ايتقاندا، پارتيالىق جانە ۇكىمەتتىك ورگاندار رەسمي قابىلداۋلارعا قويىلاتىن ىشكى ستاندارتتاردى قاتاڭ ساقتاپ، شىعىندى جالپى باقىلاۋ جۇيەسىن ەنگىزۋى ءتيىس.
جۇمىس بابى بويىنشا جاسالعان داستارحاندا، تۇسكى اس كەزىندە سالتاناتتى تاعامدار ۇسىنىلماۋى، تەمەكى مەن الكوگول بولماۋى كەرەك.
حابارلامادا ەلدىڭ بارلىق ءوڭىرى مەن بارلىق دەڭگەيدەگى مەكەمەسى ىسىراپشىلدىق - ۇيات، ال ۇنەمدەۋ - قۇرمەت سانالاتىن اتموسفەرانى ورنىقتىرۋى ءتيىس ەكەنى باسا ايتىلعان.
جاڭا ەرەجەلەر 18-مامىردان باستاپ كۇشىنە ەندى.
