قىتايدا العاش رەت وپەراتورلارعا پيلوتسىز ۇشاتىن اپپاراتتاردى پايدالانۋعا رۇقسات بەرىلدى
استانا. KAZINFORM - قىتايلىق رەتتەۋشى ورگاندار العاش رەت ءبىرقاتار جەرگىلىكتى كومپانيالارعا پيلوتسىز ۇشاتىن اپپاراتتاردى كوممەرتسيالىق تۇرعىدا پايدالانۋ ءۇشىن ليسەنزيالار بەردى.
بۇل تۋرالى «يتساي گلوبال» باسىلىمى مالىمدەدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ليسەنزيا جەرگىلىكتى اۋە تاسىمالى قىزمەتىنە ماماندانعان ءبىر كومپانياعا اقىلى قىزمەتتەر كورسەتۋگە مۇمكىندىك بەرەدى. بۇل قىزمەتتەرگە تومەن بيىكتىكتەگى شولۋ ەكسكۋرسيالارى مەن جولاۋشىلاردى تاسىمالداۋ كىرەدى. ول ءۇشىن EH216-S دەپ اتالاتىن جولاۋشىلارعا ارنالعان پيلوتسىز ۇشاتىن اپپارات قولدانىلادى.
EH216-S - ۇشۋ جارامدىلىعى سەرتيفيكاتىنا يە بولعان پيلوتسىز اۋە كولىگى. ول ەكى جولاۋشىنى 130 ك م/ساع جىلدامدىقپەن جانە 35 شاقىرىم قاشىقتىققا دەيىن تاسىمالداي الادى.
بۇعان دەيىن Tesla پيلوتسىز تاكسيلەرىن وپەراتورلار باسقاراتىن بولادى دەپ حابارلانعان ەدى.
