قىتايداعى جارىلىستان 21 ادام قازا تاۋىپ، 61 ادام زارداپ شەكتى
استانا. KAZINFORM - قىتايدىڭ ورتالىق بولىگىندە فەيەرۆەرك وندىرەتىن فابريكادا جارىلىس بولدى، دەپ حابارلايدى شينحۋا.
جەرگىلىكتى توتەنشە جاعدايلار قىزمەتىنىڭ مالىمەتىنشە، 21 ادام قازا تاۋىپ، تاعى 61 ادام جاراقات العان.
وقيعا دۇيسەنبى كۇنى شامامەن ساعات 16:43-تە حۋنان پروۆينسياسىنىڭ اكىمشىلىك ورتالىعى چانشا قالاسىنا قاراستى ۋەزدىك دەڭگەيدەگى ليۋيان قالاسىنداعى كاسىپورىندا بولعان.
وقيعا ورنىنا جەدەل تۇردە ءورت سوندىرۋشىلەر مەن قۇتقارۋ قىزمەتتەرى جەتتى. ىزدەۋ-قۇتقارۋ جۇمىستارى جالعاسىپ جاتىر.
بۇدان بۇرىن حابارلانعانداي، قىتايدا الداعى ون جىلدا 60 جاستان اسقان ادامدار سانى 400 ميلليوننان اسادى دەپ كۇتىلەدى. وسىعان بايلانىستى ەل بيلىگى حالىقتىڭ قارتايۋى ماسەلەسىن شەشۋ شارالارىن كۇشەيتىپ جاتىر.
