قىتاي ينۆەستورلارى قازاقستاندا 50 مىڭداي جۇمىس ورنىن اشتى - رومان سكليار

استانا. KAZINFORM - پرەمەر-ءمينيستردىڭ ءبىرىنشى ورىنباسارى رومان سكليار «ورتالىق ازيا - قىتاي» ەكىنشى يندۋستريالىق-ينۆەستيتسيالىق ىنتىماقتاستىق فورۋمىندا ءسوز سويلەپ، ەكى اراداعى ينۆەستيتسيالىق بايلانىستاردىڭ بەتالىسىنا توقتالدى.

- ەكى ەلدىڭ اراسىندا سەنىمگە نەگىزدەلگەن ديالوگ جولعا قويىلعان جانە ءوزارا ىنتىماقتاستىق جوعارى دەڭگەيگە شىققان.

ديپلوماتيا ورتالىق ازيا ەلدەرى مەن قىتاي اراسىنداعى ىقپالداستىقتىڭ قوزعاۋشى كۇشى بولىپ وتىر. بارلىق باعىت بويىنشا ىقپالداستىقتى ارتتىرۋدىڭ مۇمكىندىكتەرى وراسان. قىتاي - قازاقستان مەن ورتالىق ازيا ەلدەرىنىڭ نەگىزگى ساۋدا جانە ينۆەستيتسيالىق سەرىكتەستىنىڭ ءبىرى.

بىلتىر ورتالىق ازيا ايماعى مەن قىتايدىڭ ءوزارا ساۋدا كولەمى 95 ميلليارد دوللارعا جەتتى. ونىڭ جارتىسىنا جۋىعى قازاقستاننىڭ ۇلەسىندە. وسىلايشا بىلتىر ەكى اراداعى تاۋار اينالىمى تاريحي ماندەگى 44 ميلليارد دوللارعا جەتتى، - دەدى رومان سكليار.

ونىڭ سوزىنشە، ايماق نارىعىندا قىتاي كاپيتالىنىڭ قاتىسۋىمەن 10 مىڭعا جۋىق كومپانيا جۇمىس ىستەپ وتىر.

- قازاقستانىڭ وزىندە عانا قىتايلىق ينۆەستورلاردىڭ قاتىسۋىمەن جالپى سوماسى 66 ميلليارد دوللاردان اساتىن 224 جوبا ىسكە اسىرىلىپ، 50 مىڭعا جۋىق جۇمىس ورنى اشىلدى، - دەدى ۆيتسە- پرەمەر.

ەسكە سالساق، بۇعان دەيىن قازاقستان ەكىنشى ا ە س سالاتىن كونسورتسيۋمنىڭ تىزگىنىن قىتايعا بەرۋگە نيەتتى ەكەنىن ءمالىم بولعان ەدى.