قىتاي قىسىمى جانە مۇناي نارىعى: جاپونيا مەن اۋستراليا ورتاق شەشىم ىزدەي باستادى

كانبەرراداعى كەزدەسۋدە جاپونيا پرەمەر-ءمينيسترى ساناە تاكايچي مەن ونىڭ اۋستراليالىق ارىپتەسى ەنتوني البانەزە بەس قورىتىندى قۇجاتتى، سونىڭ ىشىندە ەكونوميكالىق قاۋىپسىزدىك جونىندەگى بىرلەسكەن دەكلاراتسيانى جاريالاپ، قورعانىس جانە كيبەرقاۋىپسىزدىك سالالارىنداعى ىنتىماقتاستىقتى جالعاستىراتىنىن راستادى.

- جاپونيا مەن اۋستراليا وڭىردە جانە حالىقارالىق قاۋىمداستىقتا بەيبىتشىلىك پەن تۇراقتىلىقتى ىلگەرىلەتۋگە بەرىك ۇستانىمدى بولىسەدى جانە پىكىرلەس سەرىكتەستەر اراسىنداعى ىنتىماقتاستىقتىڭ كوشباسشىلارى سانالادى، - دەدى تاكايچي كەلىسسوزدەردەن كەيىنگى بىرلەسكەن باسپا ءسوز ءماسليحاتىندا.

ول ەكى ەل اراسىنداعى قاتىناستى «كۆازي-وداق» دەپ سيپاتتادى.

البانەزە كوشباسشىلاردىڭ «ەرەكشە ستراتەگيالىق ارىپتەستىكتى جان-جاقتى نىعايتاتىن اۋقىمدى ناتيجەلەرگە» قول جەتكىزگەنىن ايتىپ، ەكى ەلدىڭ «ەشقاشان مۇنشالىقتى ستراتەگيالىق تۇرعىدان جاقىن بولماعانىن» اتاپ ءوتتى.

سيرەك جەر ەلەمەنتتەرى، ەنەرگەتيكالىق رەسۋرستار جانە ازىق-تۇلىك جەتكىزىلىمدەرىنىڭ تۇراقتى تىزبەگىن قۇرۋعا ارنالعان بىرلەسكەن دەكلاراتسيادا تاراپتار ماڭىزدى مينەرالدارعا قاتىستى ەكسپورتتىق شەكتەۋلەرگە «ەلەۋلى الاڭداۋشىلىق» ءبىلدىردى. بۇل، شاماسى، قىتايدىڭ ەكسپورتتىق باقىلاۋدى جاقىندا كۇشەيتۋىنە قاتىستى ايتىلعان.