قىتاي قىرعىزستاننىڭ «جاسىل» ەنەرگەتيكاسىنا 1 ميلليارد دوللارعا دەيىن ينۆەستيتسيا سالۋعا دايىن
بىشكەك. KAZINFORM - قىرعىزستاننىڭ ينۆەستيتسيالار جونىندەگى ۇلتتىق اگەنتتىگى مەن China Energy Engineering Investment كومپانياسى ەنەرگيانىڭ جاڭارتىلاتىن كوزدەرى سالاسىنداعى ىنتىماقتاستىق جانە ەلدەگى ينۆەستيتسيالىق جوبالاردى جۇزەگە اسىرۋ ماسەلەلەرىن تالقىلادى، دەپ حابارلايدى Kazinform-نىڭ بىشكەكتەگى مەنشىكتى ءتىلشىسى.
ۇ ي ا باسپا ءسوز قىزمەتىنىڭ حابارلاۋىنشا، قىتاي تاراپى قىرعىزستاندا جالپى قۋاتى 700 م ۆ ت- قا دەيىنگى ەلەكتر ستانسيالارىن سالۋعا 1 ميلليارد دوللارعا دەيىن ينۆەستيتسيا سالۋعا قىزىعۋشىلىق تانىتتى، ونىڭ 500 م ۆ ت-ى كۇن ەنەرگياسى، ال 200 م ۆ ت- ى جەل ەنەرگياسى ستانسيالارى بولادى.
ۆەدومستۆو قىرعىز رەسپۋبليكاسى جاڭارتىلاتىن ەنەرگيا كوزدەرىن دامىتۋدى باسىمدىق رەتىندە قاراستىراتىنىن اتاپ ءوتتى.
- ءبىز حالىقارالىق سەرىكتەستەرمەن ىنتىماقتاستىققا اشىقپىز جانە ولاردى ينۆەستيتسيالىق جوبالاردىڭ بارلىق كەزەڭىندە قولداۋعا دايىنبىز، - دەلىنگەن مالىمدەمەدە.
كەزدەسۋ قورىتىندىسى بويىنشا تاراپتار ىنتىماقتاستىقتىڭ ناقتى باعىتتارىن بىرلەسىپ ازىرلەۋگە جانە ينۆەستيتسيالىق باستامالاردى پراكتيكالىق دەڭگەيدە قاراستىرۋعا كەلىستى.
ەسكە سالساق، قازاقستان پرەزيدەنتى جاسىل ەنەرگيا ءوندىرۋ مەن ءبىلىم بەرۋگە قاتىستى ارىپتەستىك جونىندەگى قۇجاتقا قول قويدى.
