قىتاي كولىكتەرىنىڭ نەگىزگى كەمشىلىكتەرى اتالدى

استانا. قازاقپارات - رەسەيلىك- قىتايلىق RusTransChina كولىك كومپانياسىنىڭ نەگىزىن قالاۋشى الەكساندر سترەلنيكوۆ «Lenta.ru»-گە قىتاي اۆتوموبيلدەرىنىڭ نەگىزگى كەمشىلىكتەرىن اتادى.

بىرىنشىدەن، پروگرەسكە قاراماستان، كوپتەگەن قىتايلىق ماركالاردا قۇراستىرۋ ساپاسى مەن ارزان ماتەريالداردى ارلەۋدە قولدانۋ پروبلەمالارى ءالى دە بار، دەپ حابارلادى ساراپشى. بۇل كولىكتىڭ سەنىمدىلىگى مەن ۇزاققا جارامدىلىعىنا اسەر ەتۋى مۇمكىن.

ەكىنشىدەن، قىتايلىق اۆتوموبيلدەردىڭ لاك-بوياۋ قاپتاماسى مەن شاناقتى جەمىرىلۋگە قارسى وڭدەۋى ءاردايىم جاقسى بولا بەرمەيدى. بۇل توتتىڭ پايدا بولۋىنا اكەلۋى مۇمكىن، بۇل اسىرەسە قىسى قاتتى ايماقتارعا قاتىستى.

سونىمەن قاتار، قىتايلىق برەندتەر سالىستىرمالى تۇردە جاڭادان شىعۋىنا بايلانىستى ءتۇپنۇسقا بولشەكتەردىڭ اسسورتيمەنتى ازىرگە شەكتەۋلى جانە ولاردىڭ باعاسى جوعارى بولۋى مۇمكىن، بۇل جوندەۋ مەن تەحنيكالىق قىزمەت كورسەتۋدى قيىنداتادى.

تاعى ءبىر كەمشىلىك، ماماننىڭ ايتۋىنشا، جەتىلدىرۋدى قاجەت ەتەتىن زاماناۋي ەلەكتروندى جۇيەلەر مەن جۇرگىزۋشى كومەكشىلەرىنە قاتىستى. ويتكەنى، ولاردىڭ جۇمىسى ءاردايىم ءمىنسىز بولا بەرمەيدى - جاڭىلىس ىسكە قوسىلۋ، ىڭعايسىز باسقارۋ بولۋى مۇمكىن.

ساراپشى قىتاي اۆتوموبيلدەرىنىڭ كوپتەگەن كەمشىلىكتەرى ەڭسەرۋگە كەلەتىنىن جانە كولىكتەرى تەز دامىپ كەلە جاتقانىن اتاپ ءوتتى.